Ægir - 01.12.1993, Blaðsíða 6
„Ef til vill er viðhorfið til öryggismála sjómanna dá-
lítið tengt almennu áliti íslendinga á sjómennsku. Hér
á landi hefur löngum verið til siðs að líta niður á sjó-
mannsstarfið. Menn hafa sagt sem svo: - Efþú stendur
þig ekki í skólanum verðurþú bara að fara til sjós. Hins
vegar vita það allir sem vilja að sjómennska er hörku-
vinna. Hún krefst góðra starfsmanna sem þurfa að vera
fœrir í starfi sínu. Því miður hafa öryggismálin setið á
hakanum og kröfur til sjómanna íþeim efnum þurfa að
vera miklu meiri en raun er á. Slysatölur bera þessa
glöggt vitni." Sá sem þetta mœlir er Hilmar Snorrason,
skólastjóri Slysavarnaskóla sjómanna. Skólinn stendur
nú á ýmsan hátt á krossgötum í starfi sínu. Þau mál
ber á góma í viðtali Ægis við Hilmar, auk ýmissa ann-
arra þátta sem varða öryggismál sjómanna.
Þú ert svo klár - þú ratar
„Ég bendi stundum á að sjómenn hafa látið bjóða sér ýmislegt í gegn-
um tíðina sem skömm er frá að segja. Hversu margir skipstjórnarmenn
ætli hafi ekki til dæmis rekið sig á, þegar þeir hafa komið að höfnum, að
innsiglingarljós hafa ekki logað af einhverjum ástæðum. Síðan hafa ein-
hverjir karlar í landi sagt vib þá: - Þú ert nú svo klár og hefur komið hér
áður. Þú ratar þetta. - Þetta hafa menn látið bjóða sér. Dettur nokkrum í
hug að flugstjóri léti bjóða sér að sagt væri við hann þegar hann væri að
koma inn til lendingar: - Ja, það logar nú ekki á öllum ljósunum hér á
vellinum, en þú hefur nú komið hérna svo oft áður. Þetta er ekkert
vandamál fyrir þig? - Við sjómenn eigum ekki að sætta okkur við annaö
en að ströngustu kröfum sé fullnægt í öryggismálum. Og við eigum að
gera ýtrustu kröfur til sjálfra okkar hvað allt öryggi áhrærir."
Leysti erindrekana af hólmi
Slysavarnaskóli sjómanna tók til starfa árið 1985. Hann er að erlendri
fyrirmynd og leysti af hólmi erindreka Slysavarnafélagsins sem fóru rnilh
verstöðva á landinu og héldu námskeiö í slysavörnum og öryggismálum-
Nefnd sem Alþingi skipaði undir forsæti Matthíasar Bjarnasonar, alþing-
ismanns og fyrrverandi sjávarútvegsráðherra, bar fram tillögu að stofnun
og rekstri skólans. Skólinn er í eigu Slysavarnafélags íslands og var komið
á laggirnar að frumkvæði þess og í samvinnu við fjölmargra aðila sem
tengjast sjávarútvegi og öryggismálum sjómanna. Fyrstu námskeiðin
voru haldin í maí 1985. Þau fóru fram í Slysavarnafélagshúsinu í Reykja-
vík og um borð í ýmsum skipum. Síðar á árinu 1985 voru fest kaup a
varðskipinu Þór. Skipinu var breytt með nýtt hlutverk í huga og því gefið
nafnið Sæbjörg.