Ægir - 01.12.1993, Blaðsíða 10

Skólann skortir aöstöðu til
slökkvistarfa, en það
vandamál er leyst í
samvinnu við slökkviliðið á
Keflavíkurflugvelli.
aftur og þeir segjast einnig fá eitthvað
nýtt út úr hverju námskeiði."
Efasemdarmennirnir
„Nú er áætlað að þúsund til fimmt-
án hundruð manns eigi eftir að koma
á námskeið. í þeim hópi eru efasemd-
armennirnir. Ef þessir efasemdarmenn
fengjust til að koma á námskeið
mætti segja mér að hljóðið í þeim
breyttist. Sannleikurinn er nefnilega
sá, að hingað hafa komið menn sem
voru með það á hreinu þegar þeir sett-
ust niður að hingað hefðu þeir ekkert
að sækja. Akkúrat ekki neitt. Eftir
námskeiðið var hljóðið hins vegar
breytt. Þá sögöust þeir að vísu hafa
komið með neikvæðu hugarfari, en
uppgötvað að þeir hefðu haft rangt
fyrir sér og þeir myndu nú hvetja þá
félaga sína sem ekki hefðu sótt nám-
skeið skólans til þess að drífa sig hið
allra fyrsta. Það, að menn skipti svona
gjörsamlega um skoðun á fjórum dög-
um, segir okkur sem við þetta störfum
geysilega mikið."
Oryggisvitundin fyrir öllu
- Skiptir ekki miklu máli að rétt sé
unnið úr þeirri fræðslu sem hér er
veitt þegar menn eru komnir aftur um
borð í skip sín?
„Það er auðvitað grundvallaratriði.
Námskeiðin skipta að sjálfsögðu engu
máli ef öryggisvitundina skortir. Það
er ekki hægt að kaupa eitt stykki ör-
yggisnámskeið í pakka og slá því síðan
föstu að ekkert slys hendi í tíu ár.
Hver einasta áhöfn verður að vinna í
þessum málurn innanfrá. Samvinnan
skiptir öllu og með henni geta menn
áorkað miklu og komið öllum öryggis-
þáttum um borð í gott lag."
Þaö kemur
ekkert fyrir mig
„Ég kemst ekki hjá því að nefna
þann stórhættulega hugsunarhátt sem
er allt of algengur meðal íslenskra sjó-
manna og best verður lýst með orðun-
um: - Það kemur ekkert fyrir mig. -
Um borð í mörgum íslenskum skipum
er öryggismálum lítið sem ekkert
sinnt og aldrei haldnar æfingar."
Nýliði kemur um borð
„Það er til dæmis allt of algengt
þegar nýliði kernur urn borð að hon-
um sé einfaldlega sagt að drífa sig út
að vinna. Jafnvel þó að menn hafi
verið tuttugu eða þrjátíu ár til sjós eru
þeir samt nýliðar um borð í skipi sem
þeir hafa ekki verið á áður. Þeim er oft
og tíðum ekki sýndur nokkur skapað-
ur hlutur. Þarna er að sjálfsögðu ekki
farið að lögum. Þar fyrir utan ætti
auðvitað að vera regla þegar nýr mað-
ur kemur á vinnustað að honum sé
sýnt umhverfið og hvernig eigi að
bera sig að. Það er mikilvægt að nýj-
urn starfsmanni þyki hann vera vel-
kominn, slíkt fyllir menn öryggistil-
finningu. Því miður hafa þessir þættir
setið á hakanum um borð í mörgum
508 ÆGIR DESEMBER 1993