Ægir - 01.12.1993, Page 30
Myndimar á þessari síöu em
teknar úr kvikmynd sem
Loftur Guðmundsson gerði
um rœkjuveiðar og vinnslu í
djúpinu árið 1936. Líkur
benda til að hér bogri þeir
félagar Ole G. Syre og Simon
Olsen við vinnu sína í
rækjubáti. Á neðri myndinni
er Simon Olsen að innbyrða
rœkjunót.
Kvikmynd Lofts er í eigu
Skjalasafnsins á ísafirði og
kann Ægir Jóhanni
Hinrikssyni bókaverði þakkir
fyrir aðstoð við að koma
þessum myndum á prent.
álykta að það hafi verið að hans und-
irlagi að þeir komu upp vorið 1924,
Simon Olsen og Ole Amundsen, enda
keypti hann af þeim bátinn sem þeir
komu á. Sé það rétt, sem flest bendir
til, að Simon Olsen og Ole Amundsen
hafi tekið með sér rækjunót þegar þeir
komu á Solunder, því þeir og Syre
gera tilraunina þetta sama sumar
1924, þá hefur það eflaust verið vegna
frásagnar Syre um rækju í Djúpinu og
veiðimöguleika þar".
Þótt Ásgeir Jakobsson birti fyrr-
greint bréf frá Harald Hauge í eftir-
mála við grein sína, en Hauge telur
eftir minni að fyrsta tilraun til rækju-
veiða hafi farið fram 1923, virðist mér
sem langflestar heimildir bendi ótví-
rætt til þess aö þær hafi farið fram
1924 og að tilvitnuð frásögn Ásgeirs
muni í meginatriðum vera rétt.
Enn margt á huldu
Ekki hefur tekist að afla öruggra
heimilda fyrir því hvaöa bátur var
gerður út til fyrstu rækjuveiðitilraun-
anna. Þeirra virðist ekki getið í ísa-
fjarðarblöðum á þessum tíma, en eðli-
legast væri að ætla að það hefði verið
hinn títtnefndi bátur Hrönn sem Ole
G. Syre hafði þá nýkeypt frá Noregi.
Hins vegar getur Harald Hauge þess í
áðurnefndu bréfi að Hrönn hafi stund-
að síldveiðar í ísafjarðardjúpi fyrsta
sumarið (þ.e. 1923 samkvæmt bréf-
inu), en um haustið hafi Ole G. Syre
og Simon Olsen leigt bát af ónafn-
greindum íslendingi „í þeim tilgangi
að veiða rækju úti á firðinum". Er ekki
annað að skilja á bréfinu en að í þess-
um fyrsta leiðangri hafi verið fjórir
Norðmenn auk íslensks bátseiganda.
528 ÆGIR DESEMBER 1993