Tímarit lögfræðinga - 01.07.1953, Blaðsíða 9

Málskot til ceSra stjórnvalds.
135
afbrigði eru frá hinni venjulegu kæruleið, en þau eru flest
svo sérstæð, að ekki er ástæða til að rekja þau hér.* 1)
Þegar skráðum lögum er ekki til að dreifa, kemur
venjuleg kæruleið til greina. Verður þá ráðherra síðara
eða síðasta stigið, en hugsanlegt er, að kæra gangi um
hendur tveggja stjórnvalda, t. d. að ákvörðun hreppstjóra
verði kærð til sýslumanns, en úrskurði hans í málinu verði
síðan skotið til ráðherra.
IV
Það er athugandi, hvort réttur til stjórnlegrar kæru sé
bundinn tímatakmörkum. Sé kærurétturinn tímabundinn,
er nauðsynlegt að athuga við hvaða tímamark upphaf
frestsins á að miðast, og hverjar ráðstafanir kærandi þarf
að gera fyrir lok kærufrests.
Þar, sem kæra á beina stoð í lögum, eru oft jafnframt
ákvæði um kærufrest, sbr. t. d. 1. 75/1921, § 14 (tveggja
mánaða frestur), 1. 43/1903 § 6, 2° (þriggja mánaða frest-
ur), 1. 52/1925, § 9 (sex mánaða frestur), 1. 42/1926 § 26,
2° (þriggja mánaða frestur), 1. 24/1928, § 3 (30 daga
frestur), 1. 81/1936 § 29 (viku eða hálfs mánaðar frestur),
1. 70/1945 § 4 (mánaðarfrestur) og § 17 (fjögurra mánaða
frestur) og 1. 80/1947 § 76 (6 vikna frestur). 1 skatta- og
útsvarskærumálum er kærufrestur einnig lögbundinn, sbr.
37., 38. og 40. gr. 1. 6/1935 og 22., 23. og 24. gr. 1. 66/1945.
Hin tilvikin munu samt fleiri, þar sem ekkert er tekið fram
um kærufrest í þeim lögum, sem heimild veita til kæru.
!) Sbr. t. d. 1. 34/1947, 2. málsgr. 49. gr. (synjun hreppsneíndar undir
úrskurð vegamálastjóra), 1. 64/1932, 7. gr. (prófastsúrskurði til biskups),
1. 85/1943, 7. gr. (úrskurði hreppsnefndar skotið til sérstakrar þriggja
manna nefndar), byggingarsamþ. nr. 184/1950, 17. gr„ nr. 185/1950, 17.
gr„ nr. 186/1950, 17. gr„ og 189/1950, 17. gr. (Ákvörðun byggingarnefnd-
,ar skotið til úrskurðar forstöðumanns teiknistoíu landbúnaðarins),
heilbrigðissamþ. nr. 106/1951, 3. málsgr. 5. gr„ (ákvörðun heilbrigðis-
nefndar til bæjarstjórnar), reglugerð um iðnfræðslu nr. 130/1952, 17.
gr. i.f. (synjun iðnfulltrúa um staðfestingu á iðnnámssamningi til iðn-
fræðsluráðs) o. fl.