Tímarit lögfræðinga - 01.04.1954, Blaðsíða 38
„efni og ástæður“ og hvernig mat þeirra fer fram í niður-
jöfnunarnefnd.
Þegar framtölum hefur verið skilað, eru þau rannsökuð
af skattstofunni. Skattstofan gerir þær breytingar á hverju
einstöku framtali, sem það gefur efni til, og ákveður, hvaða
tekju- og eignaupphæð skuli lögð til grundvallar við álagn-
ingu ríkisskatta hjá hverjum framteljanda.
Að rannsókn skattstofunnar lokinni tekur niðurjöfn-
unarnefnd við framtölunum. Sá háttur hefur jafnan verið
á hafður, að nefndin hefur athugað hvert einstakt framtal.
Má þá vera, að niðurjöfnunarnefnd fallist ekki á þær
breytingar, sem skattstofan kann að hafa gert á framtali,
og leggur hún þá sitt eigið mat til grundvallar álagning-
unni. Vera má, að niðurjöfnunarnefnd taki til greina aðrar
ástæður en skattstofan eða heimilt er að gera varðandi
ríkisskatta, og breytir nefndin þá tekju- og eignaákvörðun
eins og hún telur hæfa. Þegar niðurjöfnunarnefnd hefur
ákveðið, hvaða tekjur og eignir skulu útsvarsskyldar, er
lagt á samkvæmt svonefndum útsvarsstiga, sem niðurjöfn-
unarnefnd hefur samið og gefur til kynna, hver útsvars-
upphæðin skuli vera, þegar grundvöllur hefur verið lagður,
eins og segir að framan. tJtsvarsstigar ná til tekna og
eigna, einstaklinga og félaga og eru birtir jafnframt út-
svarsskrá.
Að loknum kærufresti fer fram ný athugun á útsvars-
álagningu, eftir því sem kærur gefa efni til, og er þá hlut-
verki niðurjöfnunarnefndar í álagningunni lokið, en við
taka aðrir aðilar, sem eru yfirskattanefnd og ríkisskatta-
nefnd. Þó er þess að geta, að f jölmargir gjaldendur leita síð-
ar til bæjarráðs um breytingu á útsvarsálagningu vegna
ástæðna, sem ekki komu fram eða ekki gátu, af einhverjum
ástæðum, komið í ljós við framtal. Ber þar mest á óvið-
ráðanlegum atvikum, svo sem heilsubresti. Fær niðurjöfn-
unarnefnd slíkar beiðnir jafnan til umsagnar, áður en
bæjarráð tekur ákvörðun um meðferð þeirra.
Þess má geta, að við síðustu álagningu útsvara í Reykja-
vík voru teknar til afnota við útreikning útsvara á ein-
100