Tímarit lögfræðinga - 01.04.1956, Blaðsíða 16

Iendu og höfuðlands og gagnkvæmt um allt þjóðfélagið, en
auðvitað hvergi utan þess þjóðfélags, þar sem þeir höfðu
verið dæmdir.
Þótt þú leitir með logandi ljósi í heimildum Islands og
allra nálægra landa, finnur þú ekki nokkurn skapaðan
hlut, er mæli því í gegn, að Grænland hafi verið nýlenda
Islands nema litla orðið önnur (avnnor) í kap. 373 í Víg-
slóða. Það er meðfram þess vegna, að ég hef valið mér að
gera þennan kapítula og þann næsta á eftir að umtals-
efni.
368. kapítulinn í Staðarhólsbók er um það, ef maður
verður veginn á skipi, er menn fara út hingað, en eftir
málvenju Grágásar merkir út hingað stefnuna frá hvaða
útlandi sem er til svæðis Grágásar. Kap. 369 er um „er-
lendis víg“, en erlendis víg var það, ef vár landi var veg-
inn erlendis. Kap. 370 er um sókn erlendis vígs, ef það
var vegið í veldum Noregs-, Dana-, eða Svíakonungs. Kap.
371 er um vörn erlendis vígs. Kap. 372 er um „Vesturlanda
víg“, og fjallar um víg várra landa á Bretlandseyjum
og í öllum löndum fyrir sunnan Danmörk. En saman við
þenna kafla hefir afritari slengt öðrum kafla urn sár, drep,
rán, fjörráð og áljótsráð erlendis og sókn þessara mála
hér.
Þarna virðist vera komin alveg tæmandi greinargerð
fyrir vígum várra landa og skyldum afbrotum við þá í
öllum útlöndum og á leið frá þeim út til gildissvæðis Grá-
gásar, svo og sókn þeirra mála hér.
Eftir að gengið hefur verið þannig frá þessu, komum
við að kap. 373 í Staðarhólsbók, sem er með eyðu fyrir
yfirskriftinni, en heitir í registrinu við Vígaslóða: „Vm víg
á gröna landi“, og því næst komum við að kap. 374, sem
einnig er yfirskriftarlaus, en heitir í registrinu: „Vm þat
ef maðrr verðr secr a gröna landi“.
Grænland var ekki í austur frá Islandi, og það laut eng-
um konungi, og fellur því ekki undir það, að geta verið
útland samkvæmt Grágás.
78