Tímarit lögfræðinga - 01.04.1956, Blaðsíða 38
fyllilega lögmætt. Eru og skýr fordæmi fyrir slíku sam-
starfi milli flokka sbr. t. d. kosningabandalag Bændaflokks-
ins og Sjálfstæðisflokksins við alþingiskosningarnar 1937.
Viðurkenndi landskjörstjórn þá athugasemdalaust lands-
lista beggja flokkanna, án þess að geta gert sér þess grein
fyrirfram, hvort flokkarnir annar eða báðir myndu hljóta
rétt til uppbótarþingsæta.
Samkvæmt framansögðu skortir lagaheimild til þess að
úthluta uppbótarþingsætum, ef til kemur, til þessara flokka
svo sem um einn flolck sé að ræða.
Sigtr. IClenmenzson
Vilhjálmur Jónsson.
Ár 1956, mánudaginn 28. maí kl. 3 var fram haldið fundi
landskjörstjórnar, er frestað hafði verið kl. 1217 sama dag
Voru þá færðar inn greinargerðir fyrir atkvæðum lands-
k j örstj órnarmanna.
Voru nú listar einstakra flokka teknir til umræðu og
athugunar.
Jón Ásbjörnsson lýsir yfir því, að hann telji, að með
framboðslista Alþýðuflokksins í Reykjavík og framboðs-
lista Framsóknarflokksins í Árnesssýlu beri að fara sem
utanflokkalista, nema á þeim verði gerð breyting, sem hann
mun skýra nánar. Lítur hann svo á, að þeir geti ekki talizt
framboðslistar einstaks flokks eins og þeir eru nú úr garði
gerðir.
Hann gerir eftirfarandi grein fyrir skoðun sinni:
I kæru umboðsmanns Sjálfstæðisflokksins er því haldið
fram, að í Reykjavík hafi Alþýðuflokkurinn og Framsókn-
arflokkurinn borið fram sameiginlegan framboðslista í
nafni Alþýðuflokksins, en skipaðan allmörgum Framsókn-
armönnum. Sömuleiðis er staðhæft, að í 3. sæti á framboðs-
lista þessum sé slcipað aftir úrslitum í prófkosningu á með-
al Framsóknarmanna í Reykjavík. Loks segir að allmargir
meðmælendur þessa lista skipi trúnaðarstöður í Framsókn-
arflokknum.
100