Tímarit lögfræðinga - 01.04.1956, Blaðsíða 65
Verðlaunaritgerð í lögfræði.
Laga- og hagfræðideild hefur ákveðið að efna til sam-
keppni um lögfræðilega ritgerð. Er heitið 5000 króna verð-
launum fyrir beztu ritgerðina, enda teljist hún verðlauna
verð, en auk þess mun verða afhentur sérstakur verðlauna-
gripur jafnframt peningaverðlaununum. Rétt til þátttöku
í samkeppninni eiga allir íslenzkir laganemar og lögfræði-
kandídatar, sem eru yngri en 35 ára. Ritgerðin skal vera
2 arkir hið stytzta, en 10 arkir hið mesta í átta blaða broti.
Laga- og hagfi'æðideild mun á næstunni skipa þriggja
manna dómnefnd til þess að dæma ritgerðirnar.
Ritgerðarefni:
Réttarreglur um sérstalca sameign.
Til þess er ætlazt, að í ritgerðinni sé gerð grein fyrir
íslenzkum réttarreglum og þær séu bornar saman við er-
lendar réttarreglur, einkum réttarreglur í öðrum norræn-
um ríkjum. Þá er óskað álitsgerðar um það, hvort rétt sé
að setja löggjöf hér á landi um þetta efni.
Ritgerðum sé skilað fyrir 1. september n. k. til forseta
laga- og hagfræðideildar, próf. Ármanns Snævars. Skulu
ritgerðir vera vélritaðar og með kenniheiti. Höf. sltal nafn-
greina sig á miða, sem lagður sé í innsiglað umslag, og verð-
ur það ekki opnað, fyrr en dómenfnd hefur skilað áliti sínu
um ritgerðirnar.
Reykjavík, 15. nóvember 1956.
F. h. laga- og hagfræðideildar,
Ármann Snævarr.
127