Tímarit lögfræðinga - 01.06.1966, Blaðsíða 15
Sjóréttarmál fara aldrei fyrir kviðdóm, en dómari getur
kvatt til meðdómsmenn, sem hafa sérþekkingu á sjó-
mennsku og siglingum (Elder Brethren of Trinity House).
A ófriðartímum fer deildin einnig með mál, þar sem
fjallað er um herfang.
d) The Assizes, Faranddómstólar. Allt frá miðöldum
hafa umboðsdómarar þjóðhöfðingjans ferðazt um til þess
að fara með alvarleg refsimál og meiri háttar einkamál
i tilteknum borgum víðs vegar í ríkinu og sem næst vett-
vangi. Þetta varð mjög til þess að koma á réttareiningu
í öllu landinu, jafnframt því sem það hafði í för með sér
nokkra dreifingu valds í stjórnkerfi, þar sem miðstjórn var
mjög öflug. Nú á tímum eru dómararnir í Queen’s Bench
Division dómarar í faranddómstólum, enda þótt einnig megi
fela starfið lögmönnum (Counsels) þjóðhöfðingjans (eftir
atvikum Kings eða Queens) þegar þörf krefur. Lögsaga
þessara dómstóla í einkamálum er hin sama og lögsaga
yfirréttarins. Hvort mál er flutt fyrir faranddómstóli eða
i London, veltur á því, hvort hagkvæmara er fyrir aðila
og vitni. Árið 1963 voru um það bil 1500 einkamál flutt
í faranddómstólum víðs vegar um England og Wales, en
aðeins 6 þessara mála (0,4%) voru flutt fyrir kviðdómi.
5. The Court of Appeal: Áfrýjunardómstóllinn.
Hann var stofnaður árið 1875 og kom í stað ýmissa
eldri áfrýjunardómstóla. í reyndinni er hann skipaður
dómsforseta, sem nefnist Master of the Rolls og 11 dóm-
urum, sem nefnast Lords Justices of Appeal. Þeir þinga
aðeins i London. Dóminum er skipt i deildir og eru 3
dómarar i liverri. Dómurinn fer með einkamál, sem
áfrýjað er frá héraðsdómstólunum, deildum yfirréttarins
og faranddómstólum. Lögsaga dómsins nær bæði til lög-
skýringar og athugunar á málsatvikum, að jafnaði, án
þess að leyfis þurfi að leita.
Áfrýjun frá héraðsdómstólunum, er að staðreyndum
lýtur kemur þó jafnaðarlega aðeins til álita, er fjárhæð sú,
Tímarit lögfræðinga
77