Tímarit lögfræðinga - 01.10.1974, Blaðsíða 7
Það er tvímælalaust mikið skarð höggvið í hóp lögmanna, stéttarbræðra
Einars, og hans saknað í þeirra hópi. Það er eðlilegt að staldrað sé við og
huganum rennt yfir farna leið, þegar slíka atburði ber að höndum. Sá er
þetta ritar var stéttarbróðir Einars alla lögmannstíð hans og féll jafnan mjög
vel á með okkur. Færi ég honum þakkir fyrir góða kynningu og samvinnu.
Sama mun vera að segja um aðra stéttarbræður hans, er honum kynntust.
Einar var jafnan mikill íþróttamaður, einnig þar í fremstu röð. Mun hann
hafa aflað sér margra ánægjustunda í lífinu við iþróttaiðkun.
Einar hlaut margan virðingarvott auk almenns trausts, svo sem riddarakross
Fálkaorðunnar 1963 og stórriddarakross hennar 1969. Hann var kjörinn heið-
ursborgari Winnipegborgar 19. febrúar 1964. Kommandör af Dannebrog varð
hann 1969.
Eftiriifandi eiginkona Einars er Kristín ingvarsdóttir, kaupmanns Pálssonar
í Reykjavík og konu hans Jóhönnu Jósafatsdóttur. Þau Einar gengu í hjóna-
band 1. nóvember 1929. Börn þeirra eru: Axel hæstaréttarlögmaður f. 15.
ágúst 1931, kvæntur Unni Óskarsdóttur, verzlunarmanns í Reykjavík, Jóhanna
Jórunn f. 8. sept. 1937, gift Ólafi B. Thors lögfræðingi, aðstoðarforstjóra og
borgarfulltrúa, og Kristín Klara f. 4. júlí 1952, meinatæknir, gift Árna Indriða-
syni, háskólanema í sagnfræði. Einkalíf Einars var með ágætum, enda hann
góður heimilisfaðir og maki og börn honum eindregin ánægjuuppspretta.
Ég votta frú Kristínu, börnunum og öðrum aðstandendum innilega samúð
mína vegna fráfalls hans. Slík atvik hljóta að marka djúp hryggðarspor í
tilfinningalíf aðstandenda, en ég hef þá trú, að ekki sé eins breitt haf
milli lifenda og dáinna eins og almennt kann að vera álitið og að góð
fortíð og framtíðarvonir geti veitt þar mikla bót. Sveinbjörn Jónsson
SIGFÚS M. JOHNSEN
Sigfús M. Johnsen, fyrrverandi bæjarfógeti,
andaðist í Reykjavík 9. jan. s.l. á 88. aldursári.
Hann var fæddur í Vestmannaeyjum 28. marz
1886 og ólst þar upp hjá móður sinni, en föður
sinn missti hann, er hann var á 8. ári. Alla ævi
var hann tengdur Vestmannaeyjum, bæði land-
inu og því fólki, sem hann kynntist þar á upp-
vaxtarárum sínum. — Hann lauk stúdentsprófi
i Reykjavík og síðan lagaprófi við Kaupmanna-
hafnarháskóla vorið 1914. Eftir það gegndi hann
ýmsum störfum í þágu ríkisins, var fulltrúi í
dóms- og kirkjumálaráðuneytinu, hæstaréttar-
ritari o. fl. Hinn 11. október 1940 var hann
skipaður bæjarfógeti í Vestmannaeyjum og
gegndi því starfi fram til 1. ágúst 1949. Síðan
vann hann um tíma í fjármálaráðuneytinu, en
sneri sér síðan eingöngu að fræðirannsóknum og ritstörfum. Alla tíð var hann
hneigður fyrir ættfræði og sögu og skrifaði margt um söguleg efni, meðal
annars mikið rit um sögu Vestmannaeyja, sem kom út í tveimur bindum árið
1946.
69