Tímarit lögfræðinga - 01.10.1974, Blaðsíða 9

Þegar ég rita þessar línur, renna minningarnar upp í huga mínum um
æsku- og ungdómsárin. Ott lágu leiSir okkar saman, oft skemmtum við
okkur saman, og lengi höfum við unnið saman, og alltaf minnist ég hans
sem vinar, sem hægt var að treysta, því að hann var hrekklaus, vingjarn-
legur, hjálpfús og prúður. _ . ,
Sveinn Kaaber
Er Bengt Lassen lést 22. janúar s.l., féll einn
af helstu máttarviðum norrænnar samvinnu á
sviði laga og réttar. En víðar er tómlegra við
fráfall hans, því að síðustu rúm 20 árin var
hann forstjóri hins kunna útgáfufyrirtækis AB.
A. Nordstedt & Sönner í Stokkhólmi. Það leiddi
m. a. til þess, að hann var formaður sænskra
bókaútgefenda 1961—72. Þá kom hann og
mjög við sögu á sviði lista.
Einkum munu þó margir hér minnast hans í
sambandi við þing norrænna lögfræðinga, því
að hann var í stjórn sænsku deildarinnar frá
1951—1972 og lét störf þinganna mjög til sín
taka. Hann var framkvæmdastjóri þingsins í
Stokkhólmi 1951, enda var hann náinn sam-
starfsmaður B. Ekebergs, ríkismarskálks, for-
seta þingsins. Hann var og náinn samverkamaður Karis Schlyters, er var
dómsmálaráðherra Svía á sínum tíma, og einn af öndvegismönnum Svía á
þingum norrænna lagamanna — og víðar.
Bengt Lassen nam lögfræði í Lundi og var ungur orðinn embættismaður
við Skánska Hofrátten, en áður langt um leið kvaddur til starfs í dóms-
málaráðuneytinu í Stokkhólmi. Má ætla, að samkv. þeirrar tíðar hætti, lægi
brautin nokkuð bein til Hæstaréttar. Svo varð þó ekki, heldur beindist nú leið
hans í aðra átt og tók hann að sér forstjórastarf hjá AB. A. Nordstedt &
Sönner, eins og áður var vikið að.
Það er víst engin tilviljun, að B. Lassen tók þessa stöðu að sér, því að
löngum hafa framkvæmdastjórar þessa fyrirtækis verið lögfræðingar í bestu
merkingu þess orðs. Áhugamál Bengts Lassen voru og fleiri en lögfræði.
Hann hafði yndi af sjaldgæfum gömlum bókum, fögrum hlutum og nvers
konar listum og menningarverðmætum.
Margir hér þekkja Svensk Juristtidning. Bengt Lassen var ritstjóri þess
árin 1952—1962 og eftir það í útgáfustjórninni.
Greinar hans þar — merktar B.L. — lýsa honum betur en löng umsögn.
Á næsta ári verður norrænt lögfræðingaþing háð hér. Einn þeirra manna,
sem þar verður mjög saknað er Bengt Lassen, enda verður hann og minnis-
stæður öllum, sem hann þekktu.
Theodor B. Lindal
BENGT LASSEN
71