Tímarit lögfræðinga - 01.12.1974, Qupperneq 6

kvæm fyrir þá, sem hlut áttu a3 máli. Brynjúlfur átti það hugarfar og þann
skilning, sem hæfði slíku starfi. Hann athugaði málefnin gaumgæfilega og
komst jafnan að þeirri niðurstöðu, sem hann var sannfærður um að væri rétt.
Þó verksvið Brynjúlfs væri aðskilið frá öðrum störfum ráðuneytisins, leitaði
ég oft álits hans um lögfræðileg efni utan hans verksviðs. Mér fannst árang-
ursríkt að rökræða slík mál við hann. Ég held að við höfum báðir haft ánægju
af slíkum rökræðum.
Brynjúlfur var tvíkvæntur. Fyrri konu sína, Guðrúnu Jónatansdóttur, missti
hann árið 1937, eftir sex ára sambúð. Árið 1948 gekk hann að eiga eftirlifandi
konu sína, Guðmundu Ingunni Einarsdóttur frá Stokkseyri og eignuðust þau
einn son, Árna Hauk.
Ég þakka Brynjúlfi ánægjulegt samstarf og ágæta viðkynningu um leið
og ég votta frú Ingunni og syni hennar einlæga samúð mína og konu minnar.
Hjálmar Vilhjálmsson
EGGERT KRISTJÁNSSON
Fræði- og vísindamennirnir á sviði læknis-
fræðinnar flokka dánarorsakir eftir tíðni. i
fyrsta sæti koma sjúkdómar í hjarta og aðliggj-
andi æðum, í annað sæti kemur krabbamein, í
þriðja sætið heilablóðfall, í fjórða slys o. s. frv.
Einhvers staðar rakst ég á, að Sovétmenn vildu
skipa meðal algengustu dánarorsaka lausn úr
starfi sakir aldurs. Þrátt fyrir allar stórstígu
framfarirnar innan læknisfræðinnar, virðist það
enn langt í land, að hún fái reist rönd við vá-
gestum eins og hjarta- og æðasjúkdómum og
krabbameini, enda varð það svo, að sá, sem
hér er minnst, féll í valinn langt um aldur fram
fyrir sláttumanninum slynga, er nú sveiflaði
krabbameinsljánum.
16. mars 1922 á Akureyri. Hann lést 11. des-
ember 1974 á Borgarspítalanum í Reykjavík eftir nokkurra mánaða legu, þar
sem hann háði sitt stranga dauðastríð af hetjuskap. Útför hans var gerð 21.
desember 1974 frá Dómkirkjunni.
Foreldrar Eggerts voru hjónin Sesilía Eggertsdóttir bónda í Ytra-Krossa-
nesi og síðar á Möðruvöllum í Hörgárdal Davíðssonar og Kristján Sigurðs-
son bóndi á Dagverðareyri Oddssonar. Oddur þessi var Jónsson Oddssonar
Gunnarssonar. Bjuggu þeir langfeðgar allir á Dagverðareyri. Bólu-Hjálmar
var í vinfengi við þá feðga, sem hlúðu að skáldinu á margan hátt, enda var
Hjálmar þar í fóstri um skeið og undi sér þar hið besta og hélt tryggð við
Dagverðareyrarheimilið ævilangt, svo sem lesa má í Ritsafni Bólu-Hjálmars.
Segir þetta sína sögu um mannkosti þeirra Dagverðareyrar-manna, enda var
Bólu-Hjálmar ekki allra. Kristján Sigurðsson, faðir Eggerts, var kennari við
180