Tímarit lögfræðinga - 01.05.1976, Síða 39
Umtalsverður áfangi náðist fyrir félagsráðgjafa á sl. ári, er Alþingi af-
greiddi sem lög frumvarp til laga um félagsráðgjöf (nr. 41/1975). Lög þessi
lögvernda starfsheitið félagsráðgjafi og kveða á um réttindi og skyldur félags-
ráðgjafa. Þess má geta, að ísland er fyrst Norðurlanda til að lögvernda þetta
starfsheiti, þótt stéttin hafi að sjálfsögðu verið starfandi á hinum Norðurlönd-
unum í nokkra áratugi.
Stéttarfélag íslenskra félagsráðgjafa hefur að undanförnu unnið nokkuð að
menntunarmálum sínum. Síðan 1972 hefur menntamálaráðuneytið unnið að
undirbúningi náms í félagsráðgjöf hér á landi. Félag okkar hefur frá upphafi
átt aðild að þessu máli. Gert er ráð fyrir, að nám [ félagsráðgjöf verði tekið
upp við Háskóla íslands, og hefur háskólaráð lýst sig fylgjandi því. Ráðgert
er, að Háskólinn muni á þessu ári í samráði við Stéttarfélag íslenskra félags-
ráðgjafa gangast fyrir námskeiði fyrir þá félagsráðgjafa, er hyggjast taka að
sér kennslu í verklegum hluta námsins. Sá hluti er mjög mikilvægur í starfs-
menntun félagsráðgjafa. Er námskeið þetta hugsað sem væntanlegur undir-
búningur að námi í greininni hér á landi.
Nokkrir íslendingar, sem stundað hafa nám við félagsráðgjafaskóla á Norð-
urlöndum, hafa á undanförnum árum lokið verklegum hluta náms síns hér á
landi undir handleiðslu félagsráðgjafa á Kleppsspítala, Félagsmálastofnun
Reykjavíkurborgar og Barnageðdeild Landsspítalans.
Eftirmenntunarmöguleikar félagsráðgjafa á Norðurlöndum bættust mjög á
sl. ári, er Norðmenn hófu framhaldskennslu í félagsráðgjöf við háskólann í
Þrándheimi. Skilyrði til inngöngu í nám þetta er próf frá viðurkenndum félags-
ráðgjafaskóla og a.m.k. 2 ára starfsreynsla. Námið tekur a.m.k. 21/2 ár og lýkur
með kandidatsprófi.
Norræn þing félagsráðgjafa eru haldin hvert ár, til skiþtis á Norðurlönd-
um. í júní 1975 var slíkt þing haldið hér í fyrsta sinn. Viðfangsefni þingsins
var „fyrirbyggjandi félagslegt starf“. Þátttakendur voru um 90 félagsráð-
gjafar frá öllum Norðurlöndum, þar af 3 af 4 félagsráðgjöfum frá næstu
grannþjóð okkar, Færeyjum. Þá sóttu þingið ýmsir íslenskir aðilar, sem sér-
staklega hafði verið boðin þátttaka vegna tengsla við þá málaflokka, sem
um var fjallað. Finnar lögðu fram skýrslu um geðverndarstarf fyrir ungl-
inga með áfengis- og fíknilyfjavandamál, Norðmenn um æskulýðsstarf Osló-
borgar og um samstarf samtaka launþega og atvinnurekenda um áfengis-
varnir í atvinnulífinu, Svíar kynntu starfsemi fyrir aldraða, sem gerir þeim
kleift að dvelja lengur á heimilum sínum. Danir kynntu skjólstæðingasam-
tök og einnig hvernig virkja má skjólstæðinga til að hafa áhrif á umhverfi
sitt og aðstæður. íslendingar lögðu fram sem umræðugrundvöll tölulegar
upplýsingar um lauslegt mat á aðstæðum í Breiðholtshverfi í Reykjavík með
það fyrir augum, að hópur á þinginu gæti um það fjallað, hvernig best
mætti haga félagslegri þjónustu og fyrirbyggjandi félagslegu starfi í nýju,
stóru íbúðarhverfi, en starfshópar ræddu hin ýmsu verkefni. Næsta nor-
ræna félagsráðgjafaþing verður í Stokkhólmi í september 1976.
■ Núverandi stjórn Stéttarfélags íslenskra félagsráðgjafa sklpa: Guðrún
Kristinsdóttir formaður, Sigrún Júlíusdóttir ritari og Guðrún Jónsdóttir gjald-
keri.
Guðrún Kristinsdóttir.
33