Tímarit lögfræðinga - 01.05.1976, Page 40

VÍSIR AÐ RANNSÓKNADEILD TOLLGÆSLU
í byrjun júnímánaðar 1975 hófst starfsemi rannsóknardeildar toll-
gæslunnar. Tveir tollverðir starfa nú eingöngu við þessa nýju deild.
Þegar ákveðið hafði verið hverijr úr hópi tollvarða skyldu reyna sig við
þetta nýja viðfangsefni, sendi tollgæslustjóri þá til Magnúsar Eggertssonar
yfirmanns rannsóknarlögreglunnar. Fyrir velvilja hans og Halldórs Þorbjörns-
sonar yfirsakadómara fengu tollverðirnir tveir tækifæri til að fylgjast með
og kynnast störfum rannsóknarlögreglunnar um nokkurt skeið.
Á þeim tíma, sem liðinn er síðan starfsemin hófst hefur eflaust nokkur
reynsla fengist af henni. Á þessu tímabili hafa nálega tvö hundruð mál verið
tekin til rannsóknar og allmörg verið upplýst.
Verkefni hafa borist frá báðum megindeildum tollgæslunnar. Einnig hafa
tollstjóri og tollgæslustjóri falið rannsóknardeildinni mál til rannsóknar. Þá
hefur deildin fundið verkefni að eigin frumkvæði.
Alltítt er að ranglega gerð aðflutningsskjöl stöðvist í meðförum tollyfir-
valda. Endurgerðar aðflutningsskýrslur, jafnvel oftar en einu sinni, varðandi
sömu vörusendingu, auka kostnað bæði innflytjenda og tollyfirvalda.
Talsvert berst til rannsóknardeildarinnar af tollskoðunarskýrslum vegna
rangra tollflokkana eða annarra skekkja í aðflutningsskjölum. Við rannsókn
slíkra mála er þess venjulega krafist að innflytjandi geri grein fyrir og leggi
fram skjöl um fyrri tollafgreiðslur samskonar vara.
Einhverrar tortryggni mun hafa orðið vart meðal innflytjenda vegna starf-
semi rannsóknardeildarinnar. Vonandi komast þessir aðilar á þá skoðun, að
aðhald það, sem starfsemi deildarinnar veitir, ætti að stuðla að vandvirkni
við gerð aðflutningsskjala. Væntanlega leiðir það til meira öryggis í tollaf-
greiðslu vara.
Jafnaðarlega hefur rannsóknardeildin til meðferðar mál vegna meints
smygls. Við rannsókn slíkra mála er unnið eftir viðteknum aðferðum með
vettvangsathugunum og prófunum grunaðra eða vitna.
Ef ástæða þykir til, er hægt að leita tæknilegrar aðstoðar hjá rannsóknar-
lögreglunni. Slík aðstoð hefur verið fúslega veitt, þegar óskað hefur verið
eftir.
Eins og að framan var sagt hafa verkefni borist frá báðum megindeildum
tollgæslunnar. í því sambandi má hiklaust segja að tollverðir hafi tekið já-
kvæða afstöðu til þeirra breyttu starfshátta, sem þessu fylgja. Að sjálfsögðu er
það mikils um vert fyrir þá menn, sem sérstaklega hafa verið settir til að starfa
að þessum rannsóknarmálum.
Jón Mýrdai.
NÝIR DÓMARAR í HAAG
Hinn 6. febrúar sl. hófst 9 ára kjörtímabil 5 nýrra dómara Alþjóðadómstóls-
ins í Haag. Þeir eru T. O. Elias, hæstaréttarforseti frá Nígeríu, M. Lachs, fv.
forstöðumaður þjóðréttardeildar pólska utanríkisráðuneytisins og sendiherra,
sem átt hefur sæti í Alþjóðadómstólnum síðan 1967, kjörinn forseti hans
34