Tímarit lögfræðinga - 01.12.1976, Síða 52

2. ÞING BANDALAGS HASKÓLAMANNA
2. þing Bandalags háskólamanna var haldiö dagana 17. og 18. nóvember í
Kristalsal Hótel Loftleiða.
Þingið sátu tæplega tvö hundruð fulltrúar aðildarfélaga BHM. Fyrir þing-
inu lágu aðildarumsóknir frá tveimur félögum, Kennarafélagi Kennaraháskóla
íslands og Félagi tækniskólakennara, og voru þær samþykktar. Aðildarfélög
bandalagsins eru nú 19 talsins.
Á þinginu var fjallað um skattamál, og fluttu Guðmundur Magnússon pró-
fessor og Atli Hauksson endurskoðandi framsöguerindi. Miklar umræður
urðu um skattamálin og var ákveðið, að sérstök nefnd fjallaði um þau.
Ennfremur störfuðu nefndir um: Starfsáætlun og fjárhagsáætlun, laga-
breytingar, aðildarumsóknir og kjaramál.
Nefndirnar skiluðu síðan áliti á sameiginlegum fundi. Samþykktar voru
ályktanir um kjaramál og fleiri mál.
í kjaramálaályktun þingsins segir m.a.: Þess hafði verið vænst, að samn-
ingsréttarlögin frá 1973 tryggðu ríkisstarfsmönnum innan BHM sanngjarna
úrlausn kjarnadeilna. Reyndin varð þó frá upphafi önnur. Hvorki samninga-
nefnd ríkisins né Kjaradómur hafa tekið tillit til mismunar á kjörum háskóla-
manna í ríkisþjónustu og annarra. Frá árslokum 1973 hefur orðið hrikaleg
kaupmáttarskerðing. Ljóst er að háskólamenn verða að treysta enn frekar á
samtakamátt sinn, ná fram verulegum breytingum á samningsrétti og auka
áhrif launamanna á ákvarðanir sem varða þjóðarbúið.
í ályktun um vinnumálalöggjöfina segir m.a.: Þingið lýsir þeirri skoðun
sinni, að allir launamenn í landinu skuli búa við sömu vinnumálalöggjöf.
I ályktun um skattamál segir m.a.: 2. þing Bandalags háskólamanna skor-
ar á Alþingi að taka ekki skattalagabreytingar til umræðu fyrr en bandalag-
ið sem og önnur heildarsamtök launþega hafa fengið breytingartillögurnar
til umsagnar.
Loks fór fram kjör formanns, stjórnar og annarra trúnaðarmanna.
Eftirtaldir voru kjörnir í stjórn bandalagsins til næstu 2 ára:
Formaður: Jónas Bjarnason efnaverkfræðingur.
Varaformaður: Skúli Halldósson kennari.
Meðstjórnendur: Almar Grímsson lyfjafræðingur, Guðmundur Björnsson við-
skiptafræðingur og Jón L. Sigurðsson læknir.
Varamenn: Ragnar Aðalsteinsson hrl. og Stefán Hermannsson verkfræðingur.
Guðríður Þorsteinsdóttir.
Skrifstofa Bandalags háskólamanna var flutt úr Stúdentaheimilinu við Hring-
braut í mars 1976. Skrifstofan er nú að Hverfisgötu 26, sími 21173, og er
þar opið á venjulegum skrifstofutíma. Pósthólf BHM er nr. 367, Reykjavík.
190