Tímarit lögfræðinga - 01.12.1982, Page 39

Ríkisstjórninni var heimilað að staðfesta samkomulag íslands og Noregs
um landgrunnið á svæðinu milli íslands og Jan Mayen. Áiyktunin um þetta
efni var gerð 18. desember 1981.
Með þingsályktun 25. febrúar 1982 var ríkisstjórninni falið að endurskoða lög
um hlutafélög með hliðsjón af réttarstöðu smærri hlutafélaga.
Hinn 20. apríl var ályktað að kjósa skyldi 7 manna nefnd til að gera heild-
arúttekt á fangelsismálum og endurskoða lög og reglur þar að lútandi. Nefnd-
in skal skila áliti jafnóðum og það liggur fyrir, er feli í sér: 1) Stöðu fangelsis-
mála 2) Tillögur um brýnar úrbætur 3) Áætlun um æskilega framtíðarskipan
fangelsismála. Nefndin var kosin á þingfundi 7. maí. í henni eiga sæti: Davíð
Aðalsteinsson alþm., Salome Þorkelsdóttir alþm., Ólafur Þ. Þórðarson alþm.,
Jakob Havsteen lögfræðingur (formaður), dr. Bragi Jósefsson, Hildigunnur
Ólafsdóttir afbrotafræðingur og Jósef H. Þorgeirsson alþm.
Hinn 20. apríl var gerð ályktun um stöðu, þróunarhorfur og stefnumótun í
upplýsinga- og tölvumálum. Var ríkisstjórninni falið að skipa nefnd í málið,
sem m.a. skal benda á kosti varðandi stefnumótun og opinbera ákvarðana-
töku á þessu sviði. Skal nefndin sérstaklega athuga aðlögun vinnumarkaðar-
ins að tölvuvæðingunni. Nefnd þessi á að skila niðurstöðum og tillögum fyrir
árslok 1982.
Hinn 27. apríl var samþykkt svohljóðandi þingsályktun um ávana- og fíkni-
efni: „Alþingi ályktar að fela ríkisstjórninni að láta fara fram heildarendur-
skoðun á því, hvaða leiðir séu helstar til úrbóta til að hamla frekar gegn inn-
flutningi, tilbúningi, útbreiðslu og neyslu ávana- og fíkniefna. / Tillögur þar
að lútandi liggi fyrir í árslok 1982.“
Þingsályktun var gerð 3. maí um að heimila staðfestingu fjögurra Norður-
landasamninga um vinnumarkaðsmál og viðurkenningu starfsréttinda, þ.á m.
að staðfesta samning um sameiginlegan norrænan vinnumarkað. Þ. V.
NÝTT LÖGFRÆÐITÍMARIT
Hið íslenska sjóréttarfélag, sem nýlega var stofnað, hefur hafið útgáfu
tímarits um sjóréttarleg efni. Ber það nafnið Njörður. Tímaritinu er m.a. ætlað
að flytja erindi, sem haldin verða á fræðafundum félagsins, auk annars fræði-
legs efnis, er tengist sjórétti eða sjóvátryggingarétti.
í 1. tbl. tímaritsins er birt erindi, sem Páll Sigurðsson hélt á fyrsta fræða-
fundi félagsins, og nefnist það: „Nýmæli í björgunarrétti?" Er þar fjallað
um tillögur stjórnskipaðrar nefndar um breytingar á VIII. kafla laga nr. 66/
1963 o.fl.
Félagsmenn í Hinu íslenska sjóréttarfélagi fá hið nýja tímarit sent ókeypis,
en í lausasölu má fá það í Bóksölu stúdenta og hjá Páli Sigurðssyni dósent,
Lögbergi.
209