Tímarit lögfræðinga - 01.05.1984, Blaðsíða 49

Bókaðir stjórnarfundir á árinu 1983 voru 6. Auk þess sátu sumir stjórnar-
menn sérstaka undirbúningsfundi vegna málþingsins. Ennfremur sat formaður
og stundum fleiri stjórnarmenn fundi með öðrum aðilum vegna sérstakra
mála, er félagið varða.
Lögfræðingafélag íslands varð 25 ára hinn 1. apríl 1983. Eins og félags-
mönnum er kunnugt, var dr. Ármann Snævarr kjörinn heiðursfélagi á síðasta
aðalfundi. Þótti vel hæfa að tilkynna kjörið formlega sem næst afmælisdegi
félagsins. Var það gert hinn 9. apríl s.l. Þann dag hélt dómsmálaráðuneytið
síðdegisboð í tilefni 25 ára afmælisins fyrir stjórn félagsins, alla fyrrverandi
formenn félagsins, báða heiðursfélaga þess og örfáa aðra gesti, svo og maka
þeirra. Baldur Möller ráðuneytisstjóri bauð gesti velkomna og flutti félaginu
afmælisóskir. Formaður þakkaði árnaðaróskirnar, gat stuttlega um hlutverk og
starfsemi félagsins og þátt dr. Ármanns í stofnun þess. Formaður færði síðan
heiðursfélaganum áletraðan bréíahníf úr silfri. Bréfahnífinn smíðaði Jens Guð-
jónsson gullsmiður. Að síðdegisboðinu loknu bauð félagsstjórnin dr. Ármanni
Snævar og eiginkonu hans frú Valborgu Sigurðardóttur til kvöldverðar.
í tilefni 25 ára afmæiisins ákvað stjórnin að beita sér fyrir ritun sögu fé-
lagsins. Standa vonir til þess að það verði gert og hún birtist í Tímariti lög-
fræðinga eða á öðrum vettvangi. Vegna þess var gerð leit að fundargerðar-
bókum, sem sumar voru týndar. Bar leitin árangur, þannig að stjórnin hefur
nú í höndum fundargerðir frá upphafi.
Annað merkt afmæli var haidið hátíðlegt á árinu. Nú I haust voru liðin 75
ár frá upphafi lagakennslu á íslandi, en lagaskólinn var stofnaður árið 1908.
Á hátíðarsamkomu, er lagadeild hélt í hátíðasal Fláskóla islands hinn 1. októ-
ber 1983, skýrði formaður Lögfræðingafélagsins frá því, að félagið hefði,
ásamt Lögmannafélagi islands, haft frumkvæði að söfnun fjár til bókakaupa
fyrir lagadeild. Gefendur auk félaganna voru Tryggingaskóli Sambands Ís-
lenskra tryggingafélaga, Seðlabanki íslands og aðrir, sem ekki vildu láta nafns
síns getið. Alls söfnuðust 120.000 kr.
Ritstjóri Tímarits lögfræðinga, Þór Vilhjálmsson, forseti Hæstaréttar, til-
kynnti stjórninni nú í sumar, að hann óskaði eftir að láta af ritstjórnarstarfi, en
því hefur hann gegnt með miklum ágætum frá 1973. Ákvörðun ritstjórans
varð ekki haggað og leitaði stjórnin því til Jónatans Þórmundssonar, prófess-
ors sem góðfúslega tók að sér þetta mikilvæga og vandasama starf. Tekur
prófessor Jónatan við ritstjórninni frá áramótum. Eins og flestum lögfræðing-
um mun kunnugt stofnaði Lögmannafélag íslands Timarit lögfræðinga 1951
og gaf það út til 1960, er Lögfræðingafélag íslands tók við útgáfunni. Fyrsti
ritstjóri þess var dr. Einar Arnórsson, fyrrverandi hæstaréttardómari og pró-
fessor. Stýrði hann ritinu fyrstu 3 árin eða frá 1951—1953. Þá tók við ritstjórn
Theodór B. Líndal, þáverandi hæstaréttarlögmaður og síðar prófessor. Gegndi
hann ritstjórastörfum einn frá 1954—1972, en í ársbyrjun 1973 varð Þór Vil-
hjálmsson ritstjóri ásamt prófessor Theodór. Theodór B. Líndal lést í febrúar
1975 og hefur Þór Vilhjálmsson stýrt ritinu einn síðan eða í 9 ár. Hefur tíma-
ritið eflst mjög í höndum hans og á félagið honum mikla þakkarskuld að gjalda
og reyndar einnig þeim mætu mönnum öðrum, sem unnu mikilvæg störf við
ritstjórnina á hinum fyrstu og erfiðu árum timaritsins. Líklega er mörgum
íélagsmönnum ekki Ijóst hve vandasamt, margþætt og bindandi starf ritstjóra
Tímarits lögfræðinga er. Ég ætla ekki að fjölyrða um það hér, en get þess
43