Tímarit lögfræðinga - 01.06.1988, Qupperneq 57

1 þessu máli hafði þrotabú B höfðað riftunarmál gegn V. Af hálfu
V var krafist frávísunar, þar eð frestur samkvæmt 68. gr. hefði
verið liðinn. Bú B var tekið til gjaldþrotaskipta þann 22. maí
1986. Innköllunarfresti lauk 4. ágúst 1986, og var þá skiptastjóra
þeim, sem kosinn var á fundinum, falið að höfða umrætt riftunar-
mál gegn V. Málið var höfðað þann 12. mars 1987.
í úrskurði þeim, sem hratt frávísunarkröfu V, segir m.a. svo:
„Eftir atvikum máls þessa verður að fallast á það með stefn-
anda, að frestur samkvæmt 68. gr. laga nr. 6/1978 hafi ekki
byrjað að líða fyrr en fyrsti skiptafundur var haldinn og hann
heimilaði málshöfðun, þar sem sá, sem með skipti fer, átti þess
ekki kost að gera riftunarkröfuna fyrir þann tíma, enda verður
ekki talið, sé litið til allra atvika, að óhæfilegur dráttur hafi orðið
á því, að fyrsti skiptafundur væri haldinn“.
Með dómi Hæstaréttar frá 22. apríl 1988 í málinu nr. 113/1987 er
skorið úr um það, hvenær frestur samkvæmt 68. gr. 1. 6/1978 getur
fyrst byrjað að líða.
Málavextir voru þeir, að bú Á var tekið til gjaldþrotaskipta. Frest-
dagur var 8. ágúst 1984. Innköllunarfresti lauk þann 10. mars 1985.
Fyrir skiptarétti fer fram uppskrift á eignum bús 1. febrúar 1985, og
upplýsti þrotamaður þá um ráðstafanir, sem þrotabúið krafðist svo
riftunar á. Á upplýsti, að bókhaldsgögn, sem tóku til umræddra ráð-
stafana, væru hjá endurskoðanda sínum, og hét hann að afhenda þau
skiptarétti þann 4. febrúar. Á stóð ekki við heit sitt og voru bókhalds-
gögnin sótt af starfsmanni skiptaráðanda þann 3. apríl. Skiptafundir í
þrotabúinu voru haldnir þann 25. mars 1985 og 2. apríl s.á.
Þrotabúið höfðaði riftunarmál þann 5. september 1985 og krafðist
stefndi, J, frávísunar á grundvelli 68. gr. gjaldþrotalaga.
Frávísunarkröfunni var hrundið í héraði og þeirri niðurstöðu ekki
skotið til Hæstaréttar. 1 dómi Hæstaréttar var hún afgreidd ex officio
þannig:
„Kröfulýsingarfresti lauk 10. mars 1985. Hvað sem öðru líður,
verður upphaf þess frests, sem um ræðir í 68. gr. gjaldþrotalaga
nr. 6/1978, ekki talið vera fyrr en þann dag. Segir í lagaákvæði
þessu, að dómsmál til að koma fram riftun eftir gjaldþrotalögum
skuli höfða innan 6 mánaða „frá því að sá, sem með skipti fer,
átti þess kost að gera riftunarkröfuna“. Málið var sem fyrr segir
höfðað 5. september 1985, 5 dögum áður en misseri var frá lokum
kröfulýsingarfrestsins.
119