Tímarit lögfræðinga - 01.11.1988, Blaðsíða 4

Á Ö5ru réttarsviði er að verða breyting til hins betra um næstu áramót.
Hinn 1. janúar 1989 ganga í gildi lög nr. 48/1988, um fangelsi og fangavist.
Nú hagar svo til, að dómsmálaráðuneytið sér um fullnustu refsidóma sam-
kvæmt reglum, sem ráðuneytið (ráðherra) setur með stoð í almennum lögum
og úrskurðar síðan sjálft um kvartanir og ágreining vegna fullnustunnar. Við
gildistöku hinna nýju laga flyst fullnusta refsivistardóma að mestu leyti til
sérstakrar fangelsismálastofnunar. Um fullnustuna fer þá eftir nánari reglum,
sem dómsmálaráðherra setur skv. 30. gr. laganna, en ágreiningi og kvörtun-
um út af framkvæmd fullnustunnar má skjóta til ráðherra með venjulegri
stjórnsýslukæru.
Á hinn bóginn tókst miður til með lögin um staðgreiðslu opinberra gjalda
nr. 45/1987. í stað þess að ætla óháðum úrskurðaraðila eins og ríkisskatta-
nefnd það viðfangsefni að úrskurða sektir fyrir brot á lögunum var sektar-
valdið falið gagnaðila máls, þ.e. ríkisskattstjóra, sbr. 31. gr. Hér var stigið
stórt skref aftur á bak að því er réttaröryggi skattaðila varðar. Að vísu virtist
dálítil bragarbót gerð strax með breytingarlögum nr. 90/1987, er sektarvaldið
var fært til þriggja manna sektarnefndar, sbr. 15. gr. breytingarlaganna. í
reynd er hér um litla breytingu að ræða, þar sem nefndin er skipuð einum
fulltrúa ríkisskattstjóra og tveimur fulltrúum tilnefndum af skattkrefjanda, fjár-
málaráðuneytinu. Skiptir engu í þessu sambandi, þótt báðum aðilum sé heim-
ilt að vísa máli til opinberrar rannsóknar og dómsmeðferðar, enda er sú leið
einnig opin í þeim málum, sem ríkisskattanefnd fjallar um, sbr. 108. gr. laga
nr. 75/1981. í 15. gr. laga nr. 90/1987 er þess raunar getið, að við meðferð
mála hjá sektarnefnd skuli veita sakborningi færi á að halda uppi vörnum!
Varla gat það nú minna verið.
Jónatan Þórmundsson
134