Tímarit lögfræðinga - 01.12.1989, Page 29

úr 100.000 kr. Sama máli gegnir, ef refsiábyrgð verður ekki fram kom-
ið, sbr. 5. mgr. 136. gr. laganna. Ríkissaksóknari getur borið mál undir
dómara til ónýtingar á ákvörðun tollyfirvalda.
(d) Sektarúrskurðir ríkisskattanefndar. Ríkisskattanefnd úrskurðar
sektir (skattsektir) vegna skattalagabrota, nema máli sé vísað til opin-
berrar rannsóknar og dómsmeðferðar í sakadómi eftir ákvörðun skatt-
rannsóknarstjóra eða að kröfu sökunauts, sbr. 1. mgr. 108. gr. 1. nr.
75/1981, um tekjuskatt og eignarskatt, og 1. mgr. 26. gr. 1. nr. 10/1960
um söluskatt, sbr. 5. gr. 1. nr. 33/1982, og 41. gr. 1. nr. 50/1988 um
virðisaukaskatt, sbr. 1. nr. 110/1988 um gildistöku laganna. Úrskurðir
nefndarinnar eru fullnaðarúrskurðir á stjórnsýslusviði, og sektarúr-
skurðir verða ekki heldur bornir undir dómstóla.
(e) Úrskurðir sektarnefndar. 1 staðgreiðslulögunum nýju var ekki
farin sú venjulega leið í skattalögum að fela ríkisskattanefnd sekta-
vald vegna brota á lögunum, heldur var sektavaldið nú fyrst fengið
ríkisskattstjóra í hendur, en síðar sérstakri sektarnefnd, er skipuð
skal einum fulltrúa frá ríkisskattstjóra og tveimur fulltrúum, sem
fjármálaráðuneytið tilnefnir, sbr. 31. gr. 1. nr. 45/1987, sbr. og 15.
gr. 1. nr. 90/1987.8 Um málsmeðferðina gilda hins vegar svipaðar
reglur og í þeim málum, er falla undir sektavald ríkisskattanefndar.
(f) Sektargerðir hafnarstjóra. 1 29. gr. 1. nr. 32/1986, um varnir
gegn mengun sjávar, er hafnarstjórum heimilað að ákveða sektir fyr-
ir tiltekin brot gegn lögunum, þ.e. fyrir losun eða úrkast frá skipi á
hafnarsvæði, enda sé brot viðurkennt og hafi ekki valdið meiri háttar
tjóni, svo og að bætur skv. 15. gr. laganna séu greiddar eða trygging
sett fyrir greiðslu þeirra. Heimild þessi er takmörkuð við 40.000 kr.,
enda játist sökunautur undir slíka ákvörðun og greiði sektina þegar
í stað. Hafnarstjóri skal ávallt tilkynna lögreglustjóra umrædd brot
og þá um leið hvort hann hyggst ljúka málinu sjálfur eða vísa því til
lögreglustjóra. Lögreglustjóri getur ákveðið sektir fyrir þessi brot, að
uppfylltum fyrrnefndum skilyrðum, og má sekt þá nema allt að
100.000 kr. Hafnarstjórar og lögreglustjórar skulu tilkynna ríkissak-
sóknara og samgönguráðherra um allar slíkar sektargerðir. Ríkissak-
sóknari getur borið mál undir dómara til ónýtingar á ákvörðun hafnar-
stjóra eða lögreglustjóra.
(g) Sektavald ráðherra. í konungsbréfi frá 3. janúar 1823, sem enn
er talið í gildi, er amtmönnum, nú ráðherrum, veitt heimild til að
8 Um skipun nefndarinnar og réttaröryggi skattaðila, sjá Jónatan Þórmundsson: Hags-
munaárekstur. Tímarit lögfr. 1988, bls. 133—134.
235