Tímarit lögfræðinga - 01.12.1991, Qupperneq 55

Að lokum fóru fram almennar umræður. Sigurður Gizurarson bæjarfógeti á
Akranesi tók fyrst til máls og ræddi um réttarheimildir. Már Pétursson
sýslumaður Kjósverja ræddi um aðskilnaðarmálið og meginreglur laga. Jón
Finnbjörnsson héraðsdómari ræddi um eðli Hæstaréttar og réttarheimildir.
Hrafn Bragason hæstaréttardómari ræddi um réttarheimildir, einkum fordæmi
og eðli máls. Ragnar Hall borgarfógeti ræddi um gagnrýni á dómsúrlausnir og
beindi því til stjórnarinnar að hún tæki til athugunar að bregðast við árásum á
dómara og dómstóla. Hjörtur Torfason hæstaréttardómari ræddi um textaskýr-
ingu í lagatúlkun og gildi eðlis máls sem réttarheimildar. Síðan vék hann að
kjörum dómara og þátttöku þeirra í almennum umræðum. Bogi Nilsson
rannsóknarlögreglustjóri ræddi um fordæmi sem réttarheimild. Að lokum
svöruðu frummælendur fyrir sig.
Fundarstjóri þakkaði frummælendum og öðrum ræðumönnum svo og öðrum
þingfulltrúum fyrir fundasetu.
Að endingu tók formaður til máls, ræddi um þær skipulagsbreytingar sem
fram undan eru, þakkaði þingfulltrúum og gestum fundarsetuna, óskaði þing-
fulltrúum góðrar heimferðar og sleit þinginu.
277