Tímarit lögfræðinga - 01.12.1994, Blaðsíða 29

staðgreiðslu á sköttum. Á þessu ári var gerður kjarasamningur, þar sem hluti
greiðslu til sérfræðinga er föst greiðsla án tengsla við ákveðin verk.
Ég hef áður talið, að sjúkrahúsið bæri ekki ábyrgð á skaðaverkum, eða mis-
tökum þessara lækna. Hins vegar hefur samband þeirra og sjúkrahússins stöð-
ugt fengið á sig meiri blæ vinnusambands og er nú svo komið, með þessum nýja
samningi, að telja verður, að sambandið hafi í raun breyst úr verksamningi í
ráðningarsamning. I máli sem höfðað var á hendur Landakotsspítala fyrir
nokkru var ekki haldið uppi þeirri vöm, að sjúkrahúsið bæri ekki ábyrgð á hugs-
anlegu skaðaverki eins þessara sérfræðinga.
2.3 Sjálfstætt starfandi sérfræðingar að sérverkefnum
Þessir sérfræðingar hafa einnig rétt til þess að koma með sína sjúklinga inn á
spítalann og veita þeim læknismeðferð, þ.á m. gera á þeim skurðaðgerðir án
þess að þeir séu þar með lagðir inn sem kallað er. Fyrir þessa vinnu greiðir
sjúkrahúsið ekki, heldur fær læknirinn greitt beint frá Tryggingastofnun ríkisins
og frá sjúklingnum sjálfum. Læknirinn greiðir spítalanum ákveðinn hluta af
sinni greiðslu fyrir aðstöðu og aðstoð.
Sjúkrahúsið hefur ekkert um það að segja, hvaða sjúklingur er tekinn til aðgerðar
og hefur þaðan af síður neitt boðvald yfir lækninum um það, hvemig aðgerðin er
framkvæmd. Hér gegnir því nokkuð öðm máli og skortir nú ýmis þau einkenni vinnu-
sambands, sem gera verður ráð fyrir að tengja þurfi starfsmann og vinnuveitanda.
Læknirinn vinnur þó á nákvæmlega sama starfssviði og þegar hann vinnur í
þjónustu sjúkrahússins og vinnan á sér stað inni á sjúkrahúsinu. Ýmislegt bend-
ir til þess, að sjúkrahúsið yrði látið bera ábyrgð á tjóni, sem læknar valda í þessu
starfi, en ekki er það þó víst.
Á hvomgt þessara tilvika, verktakann eða sjálfstætt starfandi lækni inni á
sjúkrahúsi hefur svo mér sé kunnugt um reynt í dómsmáli hér og getum við því
ekki vitað, hvað er rétt í þessu fyrr en á reynir.
Þegar um það er að ræða, að starfsmaður vinnur hjá fleimm en sjúkrahúsinu, og
em þá einkum hafðir í huga þeir, sem starfa hjá fleiri sjúkrahúsum, verður að gera
ráð fyrir því, að ábyrgð húsbóndans, nái fyrst og fremst til þess, er þeir vinna í hans
þágu eða á hans sviði, en aðrir vinnuveitendur verði að bera ábyrgðina, á sínu
sviði. Ekki væri útilokað, að vinnuveitendumir bæm allir saman ábyrgðina. Hér
má einnig nefna kennara, sem starfa á sjúkrahúsunum, auk starfa annars staðar.
Loks má nefna það tilvik, að læknir valdi sjúklingi skaða við meðferð á sinni
eigin stofu utan sjúkrahússins. Þá mundi án alls vafa verið komið út fyrir
ábyrgð sjúkrahússins, enda hvorki um að ræða ráðningarsamning, launagreiðsl-
ur eða húsbóndavald.
2.4 Sjúklingar
Enda þótt sjúklingar teljist ekki til heilbrigðisstétta, finnst mér rétt að geta um
hugsanlega ábyrgð sjúkrahúss á skaðaverkum sjúklinga.
253