Tímarit lögfræðinga - 01.12.1994, Blaðsíða 45
mál, leiða til tímabundinnar fjölgunar dómara en þeim mætti þó trúlega fækka
aftur þegar til langs tíma væri litið.
Már Pétursson héraðsdómari sagði að sjá hefði mátt fyrir við aðskilnað að
dómurum fækkaði og réttarstaða dómarafulltrúa breyttist. Hann taldi, að verk-
efni hefðu jafnvel dregist saman hjá dómstólum og að dómarafulltrúar gætu
farið í lögmennsku eða til sýslumanna.
Þorsteinn A. Jónsson skrifstofustjóri taldi að leysa mætti vandamálið með því
að skipa dómarafulltrúa og tryggja réttarstöðu þeirra með því að gera ókleift að
leysa þá frá störfum nema með dómi.
Allan Vagn Magnússon héraðsdómari taldi að rökrétt afleiðing af því að aðrir
færu ekki með dómsmál en dómarar væri að fjölga þyrfti dómurum, a.m.k.
tímabundið. Hann varpaði fram þeirri spumingu hvort dómarafulltrúar ættu að
færast sjálfkrafa í dómarastöður. Allan velti því fyrir sér hvort það að dómara-
fulltrúar væru ráðnir af dómstjórum eða dómstólunum sjálfum myndi einhverju
breyta varðandi sjálfstæði dómarafulltrúa.
1.5 Launakjör dómara
Valtýr Sigurðsson formaður félagsins tók til máls og taldi, að launahækkanir
yrðu ekki sóttar gegnum Kjaradóm en kvaðst jafnframt ekki kunna svör við því
hvemig hægt væri að sækja kjarabætur með öðrum hætti.
Kristján Torfason dómstjóri kvað ábyrgð dómara ekki metna réttilega þar sem
störfin snerast oft um annað en krónur og aura svo sem um frelsi manna eða
ófrelsi.
Eggert Óskarsson héraðsdómari taldi skilvirkni dómstóla mikla og hafa auk-
ist. Dómarar væm daglega í sviðsljósinu en störf þeirra væru ekki metin til
launa í samræmi við mikilvægi starfanna.
Már Pétursson héraðsdómari kvað dómara fá greitt fyrir helmingi færri yfir-
vinnustundir en sem næmi meðaltali yfirvinnu ríkisstarfsmanna. Már taldi
þessa yfirvinnu rfldsstarfsmanna þó ekki vera unna nema að litlu leyti. Hann
taldi dómara hins vegar vinna þá yfirvinnu sem þeir fengju greitt fyrir.
Eiríkur Tómasson hæstaréttarlögmaður kvað launakerfið vera margfalt hér á
landi. Tvískinnungs gætti og ekki mætti nefna mikinn launamun en erlendis
væru raunveruleg launakjör meira uppi á borðinu.
2. Aðalfundarstörf
Fundarstjóri Ásgeir Pétur Ásgeirsson héraðdómari setti aðalfund Dómara-
félags íslands og gaf Valtý Sigurðssyni formanni félagsins orðið. Formaðurinn
vísaði til prentaðrar skýrslu stjómar sem lá frammi á fundinum. Hann kvað
þreifingar vera í gangi um höfðun dómsmáls vegna kröfu um orlofsgreiðslur
ofan á yfirvinnugreiðslur. Hann kvað stjóm félagsins hafa leitað til lögmanns til
að kanna réttarstöðuna og hefðu orlofslaun Sverris Einarssonar héraðsdóma
verið tekin sem dæmi um þetta. Formaðurinn beindi þeirri spurningu til fundar-
manna hvort félagið ætti að tryggja Sverri skaðleysi af mögulegri málshöfðun.
269