Tímarit lögfræðinga - 01.12.1994, Blaðsíða 52

annaðist allan undirbúning. Formaður þess er M. Sergakis. Þátttakendur á þing-
inu af hálfu Dómarafélags Islands verða:
Valtýr Sigurðsson í fyrstu nefnd þingsins. Umræðuefni nefndarinnar er:
Stjórnun dómskerfisins.
Allan V. Magnússon í annarri nefnd þar sem fjallað er um: Hraðari meðferð
einkamála.
Helgi I. Jónsson í þriðju nefnd þar sem umræðuefnið er: Dómarinn og óör-
yggiskennd almennings.
Svo sem jafnan tíðkast í starfsemi samtakanna hafa öllum þátttakendum verið
sendar spurningar varðandi efnin og þeim verið svarað. A þinginu verður síðan
unnið úr þessum svörum og nefndarmenn gera grein fyrir því fyrirkomulagi
sem ríkir í viðkomandi landi. Að lokum er samþykkt sameiginleg niðurstaða
hverrar nefndar og munu þær birtast í næstu skýrslu félagsins.
Af hálfu Dómarafélags íslands sitja Valtýr Sigurðsson og Allan V. Magn-
ússon aðalfund Alþjóðasambands dómara en dagskrá þess fundar er viðamikil.
Forseti Alþjóðasamtaka dómara er Philippe Abravanel frá Sviss.
Fundur Evrópudeildar samtakanna er haldinn í tengslum við þingið en þar
eiga sæti dómarar frá löndum Evrópubandalagins. Evrópsku dómararnir utan
bandalagsins eru áheyrnarfulltrúar á þinginu. Forseti deildarinnar er Rainer
Voss, formaður Dómarasambands Þýskalands.
Evrópudeild Alþjóðasamtaka dómara boðaði til fundar þann 20. mars sl. í
Vínarborg í Austurríki. Valtýr Sigurðsson sótti fundinn en dagskrá hans um
samstarf félagsins við Evrópusambandið og uppbyggingu dómskerfisins í lönd-
um Austur-Evrópu. Sérstakir gestir þingsins voru dómarar frá dómarafélögum
í Slóvakíu og Rúmeníu sem skýrðu frá þróun mála og tilraunum við að byggja
upp sjálfstætt dómskerfi.
I ársbyrjun 1993 svaraði stjórn Dómarafélags Islands erindi Alþjóðasamtaka
dómara og kvaðst reiðubúin til að útvega íslenska dómara til að taka þátt í nám-
stefnum sem fyrirhugað var að efna til í fyrrum löndum Austur-Evrópu á vegum
Evrópuráðsins.
í nóvember n.k. verður haldin evrópsk lögfræðivika í Skopje í Makedoníu.
Var leitað til stjórnarinnar með að senda dómara til að taka þátt í umræðu um
tvö viðfangsefni námstefnunnar: Judicial review of administrative action og
Independence of the Courts, particularly in the penal field. Hjörtur Torfason
hæstaréttardómari tekur þátt í umræðum þessum.
Félaginu barst boð um þátttöku í norrænni ráðstefnu samtakanna SEND
(Samarbetsorganet för efterutbildning av nordiska domare) í Viborg á Jótlandi
31. ágúst til 2. september sl. Ekki reyndist unnt að taka þátt í þinginu vegna
kostnaðar sem því fylgdi. Var boðið því afþakkað að sinni en jafnframt látið í
ljós von um að úr myndi rætast í framtíðinni.
Stjóm Dómarafélags Danmerkur sendi boð um þátttöku í dómaraþingi þar í
landi sem haldið var 8. og 9. október 1993. Allan V. Magnússon mun sækja
þingið og skila skýrslu til stjórnar.
276