Tímarit lögfræðinga - 01.03.1997, Blaðsíða 43
2.3.3 Viðskiptabréf (víxlar og tékkar)
Afhending á viðskiptabréfum, svo sem víxlum og skuldabréfum sem þriðji
maður er greiðsluskyldur að, hefur að jafnaði verið talinn vera óvenjulegur
greiðslueyrir.111 þessu sambandi má benda á marga dóma, samanber:
H 1987 210
Rift var greiðslu á peningakröfu, sem hafði stofnast vegna vanskila á húsaleigu og
vegna gjaldfallinna víxla, er þrotamaður hafði afhent til tryggingar greiðslu á
húsaleigu. Greiðsla skuldarinnar fór fram með kaupsamningum með eignaréttar-
fyrirvara, skuldabréfum og víxlum þriðja manns.
H 1990 748
Með úrskurði 15. júlí 1987 var bú Þórólfs Ingólfssonar tekið til gjaldþrotaskipta.
Skiptastjóri höfðaði mál og krafðist riftunar á þeirri ráðstöfun Þórólfs að afhenda
þann 10. júní 1987 Sparisjóði Súðavíkur skuldabréf og víxil samþykktum til
greiðslu af þriðja manni til greiðslu á yfirdráttarskuld Þórólfs hjá sparisjóðnum.
Niðurstaða skiptaréttar var sú að greiðsla yfirdráttarskuldar á tékkareikningi með
skuldabréfi og víxli, sem hvort tveggja stafaði frá og átti af greiðast af þriðja manni
væri ekki venjulegur greiðslueyrir í slíkum viðskiptum. Með vísan til 1. mgr. 54. gr.
laga nr. 6/1978 var ráðstöfuninni rift og var riftunin staðfest í Hæstarétti.
H 1992 386
I þessum dómi var fallist á riftun á greiðslu skuldar vegna auglýsingavinnu sem var
greidd með 10 skuldabréfum frá þriðja manni.
H 1992 1033
Fallist var á kröfu um riftun á greiðslu skuldar, sem fór fram með afhendingu
þriggja skuidabréfa, útgefnum af þriðja manni. Fallist var á að hér væri um
óvenjulegan greiðslueyri að ræða. Dómurinn hafnaði því að greiðsla þessi væri
venjuleg eftir atvikum, þó svo að sýnt væri fram á að 8 mánuðum áður hefði verið
greitt með sambærilegum greiðslueyri, enda talið að atvik að þeirri greiðslu hefðu
verið svo sérstök að þau leiddu ekki til þess, að síðari greiðslan yrði talin venjuleg
eftir atvikum.
H 1993 2292
Greiðslu skuldar með afhendingu á 6 víxlum, sem samþykktir voru til greiðslu af
þriðja manni, var rift á grundvelli 1. mgr. 54. gr. laga nr. 6/1978. Greiðslan var ekki
talin vera venjuleg eftir atvikum þótt viðskipti hefðu verið á milli félaganna frá 1980
til 1988 og að á þeim tíma hefðu greiðslur fyrir úttektir farið fram með víxlum frá
þriðja manni.
11 Sjá einnig H 1994 2898 þar sem framsal Töggs hf. á viðskiptamannakröfum til Bílds-
höfða 16 hf. fjórum dögum fyrir gjaldþrot Töggs hf. og meðan á greiðslustöðvun stóð hjá
félaginu var talinn vera óvenjulegur greiðslueyrir í skilningi 1. mgr. 54. gr. laga nr. 6/1978.
Sjá einnig um sama efni H 1994 2904.
37