Tímarit lögfræðinga - 01.03.1997, Blaðsíða 55

Á VÍÐ OG DREIF
AÐALFUNDUR LÖGMANNAFÉLAGS ÍSLANDS 1996
Aðalfundur Lögmannafélags Islands fyrir árið 1996 var haldinn föstudaginn
15. mars það ár. I upphafi fundarins minntist formaður Þórunn Guðmundsdóttir
hrl. látins félagsmanns á starfsárinu Sigurgeirs Sigurjónssonar hrl., sem rekið
hafði eigin lögmannsstofu í hart nær hálfa öld eða frá árinu 1942 til ársins 1990.
Formaðurinn flutti skýrslu stjórnarinnar fyrir liðið starfsár. Fyrir fundinn
hafði verið dreift til lögmanna prentaðri skýrslu stjórnarinnar og vísaði
formaðurinn til þess, sem þar var getið, og taldi ekki ástæðu til að telja það upp.
Þess í stað skyldi drepið á nokkur önnur atriði í staðinn.
Formaðurinn gerði fyrst að umtalsefni nýlegar breytingar á málflytjenda-
lögunum, sem fela í sér skyldu lögmanna til að kaupa sér starfsábyrgðar-
tryggingar og skyldu þeirra til að fara að sérstökum reglum um fjárvörslu-
reikninga. Á grundvelli laganna setti félagið reglur um starfsábyrgðartrygg-
ingar lögmanna, nr. 657/1995, svo og reglur nr. 626/1995 um fjárvörslur
lögmanna o.fl. Að því er fyrmefndu reglurnar varðaði hefði verið ágreiningur
um það hvort þær ættu að ná til ásetningsbrota eða einungis gáleysis.
Niðurstaðan hefði orðið sú að reglurnar gilda aðeins um tjón, sem valdið er af
gáleysi, hvort heldur sem er einföldu eða stórfelldu gáleysi. Reglurnar hefðu
síðan verið staðfestar af dómsmálaráðherra, eins og ráð er fyrir gert í lögunum.
Formaðurinn taldi löggjafann sækja mjög að lögmannastéttinni, bæði með
fyrrnefndum breytingum á málflytjendalögunum, svo og með frumvarpi til laga
um lögmenn, sem nýlega hafði litið dagsins ljós. Þá væri verið að semja drög
að frumvarpi til innheimtulaga í viðskiptaráðuneytinu. Virtist gæta þeirrar til-
hneigingar í dag að binda allt í lög, en ekki væri nauðsynlegt að sýna svona
sérstaka aðgát gagnvart lögmönnum.
Formaðurinn gerði að umtalsefni ályktun síðasta aðalfundar, um að stjórn
félagsins gætti þess framvegis að ekki væru gefnar út ályktanir í nafni félagsins
um umdeild þjóðfélagsmál. Lýsti formaðurinn því í nokkrum orðum hvernig
þessari ályktun hefði verið framfylgt, m.a. í umsögnum laganefndar L.M.F.I.
um lagafrumvörp.
í ræðu sinni minntist formaðurinn á Lögmannablaðið, sem leit fyrst dagsins
ljós á starfsárinu. Hefði blaðið gert félagið sýnilegra félagsmönnum, en framtíð
blaðsins væri undir því komin að lögmenn skrifuðu í það. Blaðinu væri ætlað
að vera m.a. vettvangur skoðanaskipta milli lögmanna og því full ástæða til að
hvetja menn til að rita greinar í það.
Þá var kynnt tillaga að merki félagsins, en höfundur tillögunnar er Gísli B.
Björnsson. Hugmyndin væri sótt í gamla táknmynd af voginni. Á fundinum
voru sýnishorn fleiri hugmynda látin ganga meðal fundarmanna til kynningar.
Að lokinni ræðu formanns L.M.F.I. gerði Marteinn Másson, framkvæmda-
stjóri félagsins, grein fyrir ársreikningum félagssjóðs, Námssjóðs og Ábyrgðar-
49