Ægir - 01.04.1996, Blaðsíða 46
Á íslensk netagerö í harðri sam-
keppni við innflutning?
„Það er talsverð samkeppni en þrátt
fyrir það er markaðshlutdeild íslenskra
verkstæða og Hampiðjunnar töluvert
há. Við höfum alltaf haft samkeppni við
innflutt net og tilbúin veiðarfæri. Það
tryggir að fyrirtækin og atvinnugreinin
í heild verður að standa sig."
Takmörkuð sérhæfing netagerða
Þó öil netaverkstæði reyni að veita al-
hliða þjónustu þá verður smátt og smátt
til sérhæfing sem mótast oft af því
hvernig útgerðarmunstur er algengast í
þeim landshluta sem fyrirtækið starfar
í.
Stundum byggir sérhæfingin á stærð-
inni eins og í tilfelli Hampiðjunnar sem
er eina verkstæðið sem framleiðir
flottroll í yfirstærð enda eina fyrirtækið
sem hefur húsnæði og tækjakost til
þess. Sum verkstæði eru mest í botn-
trollum meðan önnur eru sérhæfð í
nótaviðgerðum. Á síðasta ári kom
loðnunót til viðgerðar á Netagerð Vest-
fjarða og mun það hafa verið í fyrsta
sinn í 25 ár. Á Austurlandi og Suður-
nesjum eru menn betur heima í nótun-
um en kannski síður í rækjutrollum.
Netagerð Friðriks Vilhjálmssonar hf. á
Neskaupstað hefur þá sérstöðu að vera
umboðsaðili SORT-X smáfiskaskilju sem
hefur vakið mikla athygli.
Þetta er sérhæfingin i hnotskurn en
hún veröur aldrei mjög mikil.
Fyrir utan hin hefðbundnu neta-
verkstæði eða netagerðir sem starfa í
flestum landshlutum er talsvert um að
útgeröarfyrirtæki reki sín eigin verk-
stæði sem sjá um alla þjónustu fyrir
eitt eða tvö skip en lítið annað. Slík
verkstæði geta varla talist í hópi eigin-
legra netagerða.
Einar Hreinsson:
Brautryðjendur fyrir vestan
„Hér á ísafirði stóð vagga rækjuútgerðarinnar svo þróun og útfærsla á
rækjutrollum hefur verið verkefni okkar frá upphafi og skapað okkur
sögulega og faglega sérstöðu," sagði Einar Hreinsson sjávarútvegs-
fræðingur og starfsmaður Netagerðar Vestfjarða í samtali við Ægi.
Einar Hreinsson sjávarútvegsfrœðingur og
starfsmaður Netagerðar Vestfjarða að vinna
með neðansjávarmyndatölvu.
Netagerð Vestfjarða á ísafirði er
stofnuð 1954 og er eina netagerðin á
Vestfjörðum og starfrækir auk þess úti-
bú á Hvammstanga. Starfsmenn eru
15-20 talsins á báðum stöðum.
Eins og búast má við eru viðfangs-
efni Netagerðarinnar nátengd þeim
veiðum sem Vestfirðingar stunda mest
og ber þar hæst rækjutroll og fiskitroll
en að sögn Einars kom mikill fjörkipp-
ur í gerð rækjutrolla þegar úthafsveiðar
jukust.
Netagerð Vestfjarða er eina netagerð-
in á landinu sem á neðansjávarmynda-
vél sem hægt er að nota til þess að
fylgjast með dregnum veiðarfærum í
notkun. Myndavélina eignaðist Neta-
gerðin árið 1982 og hefur hún verið
mikið notuð til rannsókna á ýmsum út-
færslum veiðarfæra. Þetta hafa annars
vegar verið sjálfstæðar rannsóknir Neta-
gerðarinnar en einnig hefur vélin verið
notuð við ýmis rannsóknarverkefni á
veiðarfærum á vegum Hafrannsókna-
stofnunar og Hampiðjunnar.
„Við keyptum þessa vél fyrst og
fremst í okkar eigin þágu," sagði Einar.
„Við vildum vita meira um virkni okkar
veiðarfæra og fræðast meira um hæfni
þeirra yfirleitt. Þetta hefur því verið not-
að til þess að þjónusta okkar viðskipta-
vini beint og óbeint."
Þannig hefur vélin og sú reynsla sem
fengist hefur með rannsóknum hennar
skapað Netagerðinni ákveðna sérstöðu.
En hafa rannsóknirnar leitt til mikilla
breytinga?
„Það er misjafnt. Við höfum skoðað
allar gerðir botnvörpu sem í notkun
voru á þessum tíma og síðan og í kjöl-
farið hafa verið gerðar meiri og minni
breytingar á þeim öllum. Þessar rann-
sóknir hafa skapað mikla þekkingu og
aukið öryggi og hæfni veiðarfæranna.
Frá okkar bæjardyrum séð er mikil-
vægast að allar upplýsingar sem fást á
þennan hátt fara um okkar hendur fyrst
þó auðvitað sé það svo að þær komi að
lokum atvinnugreininni í heild til góða.
En þetta gefur okkur forskot."
Veiðitæknin f raun stöðnuð
Er fyrirsjáanleg mikil framþróun í
þessari starfsgrein að mati Einars eða er
fullkomnun náð?
„Með sterkari efnum sem nú eru að
ryðja sér til rúms vona menn að þeir
geti stækkað veiðarfærin, gert þau létt-
ari og notað í auknum mæli tóg í stað
víra en það er of snemmt að segja til um
það.
Á heildina litið má segja að framþró-
un sé of hæg og ailtof lítið unnið að
rannsóknum. Þannig má segja að veiði-
tæknin sé stöðnuð og þetta sé hálfgert
fúsk. Hins vegar dugar þetta okkur eins
og er og gefur vel af sér og á meðan
verður lítil framþróun.
Ég tel að við höfum sáralítið nýtt
okkar tækniþekkingu heimsins til þess
að veiða fisk. Við getum sent mann til
46 ÆGIR