Ægir - 01.10.1998, Blaðsíða 49

i
lrk',,ns ""t'"*1""'""™ w SAMLEIÐ MEÐ ÍSLENSKUM SJÁVARÚTVEGI
Toghraði skiptir máli
í kolmunnanum
Ástæða þess að kolmunnaveiðar
kalla á stærri vélar þeirra skipa sem
þær stunda er toghraðinn. Nauð-
synlegt er að skipin geti togað á 4-5
sjómflna hraða og til þess þarf mikið
vélarafl sem nótaskipin íslensku
hafa alla jafna ekki, enda sérstak-
lega búin til loðnu- og síldveiða
Erlent vinnuafl í
íslenskum stöðvum
Hjá mörgum íslensku skipasmíða-
stöðvanna er að finna erlenda starfs-
krafta, flesta af pólskum uppruna.
Almennt hefur atvinnuástand verið
gott hjá málmiðnaðarmönnum hér á
Iandi og þarf af leiðandi hafa t.d.
skipasmíðafyrirtækin leitað eftir
vinnuafli erlendis frá. Eftir því sem
blaðið kemst næst gæti enn átt eftir
að fjölga Pólverjum í þessum
störfum hér á landi á næstunni, enda
hafa mörg fyrirtækjanna ágæta
verkefnastöðu.
Mikið að gera hjá
Skipavík
Að sögn Olafs Sigurðssonar hjá
Skipavík í Stykkishólmi hefur verið
góð verkefnastaða hjá stöðinni í
sumar. Margir bátar hafa verið
teknir upp til viðhalds og er fyrst og
fremst um að ræða báta af
Snæfellsnesi.
Slippstöðin hf. býður smíði á bátum
Slippstöðin hf. á Akureyri hóf nýverið markaðssetningu á tveimur gerðum af
bátum sem ætlunin er að smíða hjá fyrirtækinu, fáist kaupendur. Samkvæmt
upplýsingum frá Slippstöðinni hf. hafa þegar nokkrar útgerðir sýnt rnikinn
áhuga og standa vonir til að af smíði geti orðið á næstu misserum.
Stærri báturinn, sem sést á myndinni hér að ofan, er 30 brúttólestir að stærð.
Lengd hans er 16,5 metrar og breidd er 5,5 metrar. Dýpt bátsins er 2,75 metrar.
í bátnum verður 470 hestafla aðalvél og niðurfærslugír með hlutfallið 4,5:1 og
tengist skrúfuöxli með fastri 1400 mm skrúfu. Þá er á gírnum útkúplanleg
vökvadæla til að knýja vindur. Ljósavélar eru tvær, önnur 25 kW og hin 16 kW.
Stýrisvél er 500 kgm tjakkastýrisvél. Skipið verður útbúið með tveimur 7,5
tonna togspilum á þilfari en auk þess er gert ráð fyrir 3,4 tonna voðarvindu,
ásamt akkerisvindu. í lest verður rými fyrir 29 660 lítra kör. Vistarverur eru
fyrir 4-5 menn.
Minni báturinn, sem sést hér að neðan, er 25 brúttólestir að stærð. Lengd
hans er 13,48 m., breidd 4,50 m og dýpt 2,40. Skipið er búið 300 hestafla aðalvél
og, líkt og í stærri bátnum, er útkúplanleg vökvadæla til að knýja vindur. Á
þilfari verða tvö 5 tonna togspil og þriggja tonna þilfarskrani. í lest er rými fyrir
41 stk. af 380 lítra körum. í vistarverum er aðstaða fyrir 3 menn.
M3ÍR 49