Ægir - 01.05.2000, Page 6
LEIÐARI
Pétur Bjarnason,
f ramkvæmdastjóri
Fiskifélags íslands
Nýr Ární Friðríksson
Nýtt hafrannsóknaskip kom til landins 18. maí s.l.
Það er mikill atburður fyrir fslenska þjóð og íslenskan
sjávarútveg. Það er óþarfi að tíunda það á þessum vett-
vangi hve mikilvægt það er fyrir Islendinga að búa vel
að hafrannsóknum. Þekking á hafinu og auðlindum
þess er ekki aðeins grundvöllur skynsamlegra fiskveiða
eins og allir Islendingar vita og er undirstaða þeirra
lífskjara sem við njótum. Þekkingin er einnig réttlæt-
ing okkar gagnvart samfélagi þjóðanna á því hvernig
við nýtum auðlindir okkar og sönnun þess að við séum
einfær um það. Það er æ augljósara að þekking er okk-
ar mikilvægasta vopn í endalausri sjálfstæðisbaráttu
sem sífellt tekur á sig nýjar myndir.
Fiskifélag Islands fagnar komu nýs varðskips og ósk-
ar Hafrannsóknastofnun, íslenskri þjóð og íslenskum
sjávarútvegi til hamingju með nýja skipið. Megi far-
sæld fylgja ferðum þess og störfum.
Þorskeldi
Á ráðstefnu sem haldin var á vegum sjávarútvegsdeild-
ar Háskólans á Akureyri og Stafnbúa - félags nema í
sjávarútvegsfræði á Akureyri í síðasta mánuði var m.a.
fjallað um hugsanlegt þorskeldi. Fram kom að það tók
Norðmenn 15 ár að þróa laxeldi úr engu í að framleiða
100.000 tonn af laxi. Það kostar nú 10 til 14 norskar
krónur að ala eitt kíló af laxi og að 20 til 25% af þess-
um kostnaði er vegna litarefnis sem blanda þarf í laxa-
fóður. Það kom einnig fram að Norðmenn hafa nú vax-
andi áhuga á þorskeldi, enda hafa þorskveiðar þeirra
dregist saman. Norðmenn ráða yfir allri þeirri tækni
sem þarf til þorskeldis og fóðrið fyrir þorskinn verður
væntanlega ódýrara en laxafóður. Talið var að kostnað-
ur við að ala eitt kíló af þorski mun því væntanlega
verða innan við 10 norskar krónur og gæti lækkað. Það
er ekkert sem bendir til að kostnaður þeirra við að
framleiða þorsk verði meiri en það kostar að veiða
hann. Það er því engin goðgá að álykta sem svo að inn-
an fimm til tíu ára verði ávallt fáanlegur á markaði
ferskur norskur eldisþorskur í miklu magni. Hvaða
áhrif það hefur á skilyrði þorskveiða og vinnslu
þorskafurða hér á landi er óljóst en það virðist a.m.k.
ástæða fyrir íslenskan sjávarútveg að leiða að því hug-
ann að því að ef til vill eru þau skilyrði að breytast.
6