Árbók Háskóla Íslands - 01.01.1931, Blaðsíða 82

80
Fyrir þá, sem ætla að leggja stund á efnaverkfræði, er efna-
fræðinámið nokkru meira en hér að ofan er talið, og auk þess
kennd steina- og kristallafræði, en þá er stærðfræði og teikni-
kennsla að sama skapi minni. Svipað má segja um húsgerðarlist-
ina; þar er teiknikennslan meiri, einkum fríhendisteikning eða
listteikning, en þá er minna í bóklegu fögunum og tilraununum.
í öllum þessum fögum er kennt almennt yfirlit og undirstaða,
en engar sérgreinar þeirra teknar út af fyrir sig, og er kennslan
bæði munnleg og skrifleg auk hins verklega i sumum fögunum.
Til þess að kenna munnlega og skriflega námið útheimtist ekki
nein sérstök tæki, og hér eru menn til með embættisprófi í stærð-
fræði, er færir eru um að kenna stærðfræði, mekanik, deskriptiv
geometri, og aðrir með embættisprófi í eðlisfræði og efnafræði,
er færir væru að kenna efnafræði og eðlisfræði þá, sem útheimtist
til fyrri hluta prófs.
Til þess að geta framkvæmt tilraunirnar í eðlisfræði og efna-
fræði þarf tilraunastofu. Að því er efnafræðina snertir er mjög
auðvelt að koma tilraununum fyrir í sambandi við efnafræði-
kennslu læknadeildarinnar, þvi að það er alveg sama námið fyrir
alla, nema efnaverkfræðinga, en sé um þá að ræða, verða þeir
tæplega fleiri en 1 eða 2 á ári, og á að vera auðvelt að hafa þá i
tilraunum með læknanemunum, en sníða verkefni þeirra eftir nám-
inu. Getur þessi efnafræðikennsla verið þarna til frambúðar í sam-
handi við efnafræðikennslu læknadeildarinnar.
Tilraunir í eðlisfræði er fyrst um sinn ekki hægt að hafa öðru-
vísi en í sambandi við eðlisfræðitilraunir stærðfræðideildar
menntaskólans. Er hægt að nota þar sama kennara og sama hús-
plássið. Það þarf ekki annað en kaupa þangað nokkuð fleiri til-
raunatæki, sem ekki getur kostað stórfé.
Til teiknikennslunnar, sem cr alltimafrek, þarf sérstaka kennslu-
stofu, en að öðru leyti engin tæki. Ef ekki er til húsnæði i sjálf-
um háskólanum, er auðgert að leigja stofu undir þá kennslu hvar
sem er, eða semja um að fá hana i sambandi við teiknikennslu
Iðnskólans. Þar kenna meðal annara verkfræðingar teikningu, er
færir eru um að veita þá tilsögn í teikningu, er þarf til verkfræði-
náms, annars en húsagerðarlistar, en i listteikningu geta háskóla-
gengnir húsameistarar og listamenn veitt tilsögn. Þótt eðlisfræði-
tilraununum og teiknikennslunni yrði þannig fyrst um sinn komið
fyrir í sambandi við aðra skóla, getur það ekki orðið til fram-
búðar; ekki af þvi, að kennslan verði i sjálfu sér ófullnægjandi,
heldur af hinu, að það er æskilegast, að öll kennsla, er háskólinn
veitir, fari fram í deildum hans sjálfs, þá þarf ekki að taka tillit til