Árbók Háskóla Íslands - 01.01.1933, Blaðsíða 53

51
lagadeild, Gísli Brynjólfsson stud. theol. í guðfræðisdeild og Jóhann
Sveinsson stud. mag. í heimspekisdeild. Með almennum kosningum
voru kjörnir: Baldur Johnsen stud med., Ólafur Geirsson stud. med.,
Sölvi H. Blöndal stud. jur. og Viðar Pétursson stud. med.
Á fyrsta fundi ráðsins var kosin stjórn. í henni áttu sæti: Sig-
urður E. Ólason formaður, Sölvi H. Blöndal ritari og Baldur John-
sen gjaldkeri.
í febrúar lét Oddur Ólafsson af störfum vegna veikinda, og kaus
læknadeild í hans stað Bjarna Jónsson stud. med. Síðast í sama
mánuði sagði Sigurður Ólason af sér störfum sökum veikinda, og kaus
ráðið í hans stað Kristján Steingrímsson stud. jur. til að taka sæti í
ráðinu, en formaður var kosinn Valdimar Stefánsson.
Hófust nú deilur allmiklar innan Háskólans og vildu ýmsir gera
kosningu Kristjáns Steingrímssonar ógilda, og varð það ofan á í svip.
Skaut Stúdentaráðið l)á málinu undir dóm allra háskólastúdenta,
sagði af sér og boðaði til nýrra kosninga. Fóru þær svo, að meiri
hluti ráðsins bar sigur úr býtum.
Hið nýja ráð var svo skipað: Baldur Johnsen stud. med., kosinn af
fráfarandi ráði, Bjarni Jónsson stud. med. í læknadeild, Valdimar
Stefánsson stud. jur. í lagadeild og Gísli Brynjólfsson stud. theol. i
guðfræðisdeild. Með almennum kosningum voru kjörnir þeir: Guð-
mundur í. Guðmundsson stud. jur., Ingólfur Blöndal stud. med., Ól-
afur Geirsson stud. med. og Kristján Steingrímsson stud. jur.
Heimspekisdeild kaus engan mann í ráðið.
í stjórn ráðsins voru kjörnir: Valdimar Stefánsson formaður,
Guðmundur í. Guðmundsson ritari og Baldur Johnsen gjaldkeri. Eftir
þessar kosningar voru gerðar ítrekaðar tilraunir til að fella ráðið
með vantrausti, en þeim var hrundið með sterkum meirihluta.
Þó að ráðin væru tvö á þessu háskólaári, voru störf þeirra svo
nátengd, að rétt þykir að gefa skýrslu í einni heild um starfsemi
þeirra beggja.
Skal nú i stórum dráttum skýrt frá þeiin helztu málum, sem ráðin
létu til sín taka.
Hátíðahöld stúdenta 1. desember.
Stúdentaráðið hafði nú eins og áður forgöngu um hátíðahöld á
fullveldisdaginn í Beykjavík.
Þau hófust með því, að stúdentar, ungir sem gamlir, gengu fylktu
Iiði, undir stúdentafánanum og íslenzka fánanum með lúðrasveit í
broddi fylkingar, frá Menntaskólanum til Alþingishússins.
Af svölum Alþingishússins hélt Asgeir Ásgeirsson forsætisráð-
herra ræðu, en lúðrasveit Iék þjóðsönginn. Síðan var samkoma i