Árbók Háskóla Íslands - 01.01.1933, Blaðsíða 54
52
Gamla Bíó. Þar héldu ræður þeir Alexander Jóhannesson, rektor há-
skólans, og Þorsteinn Briem atvinnumálaráðherra. Þar söng stúdenta-
kórinn, ungmeyjar sýndu fagra leikfimi, hljómsveit lék nokkur lög
o. s. frv. Um kvöldið var veizla og dansleikur stúdenta á Hótel Borg,
og stóð hann til morguns og fór hið bezta fram.
Stúdentablaðið kom út þennan dag. Var það með svipuðu sniði
og áður. Var það selt á Reykjavíkurgötum og sent í alla kaupstaði
landsins, og seldist það því vel og var ágóði af því óvenjulega mikill.
1. desember merki voru og seld hér á götum bæjarins. Allur ágóði
af deginum rann í sjóð Stúdentagarðsins, nema ágóði blaðsins.
P. Petersen bíóstjóri lánaði stúdentum Gamla Bíó endurgjalds-
laust. Þetta hefir hann gert í mörg undanfarin ár og á hann miklar
þakkir skilið fyrir það.
Rætt var um það í ráðinu, hvort eigi væri rétt að breyta hátíðis-
degi stúdenta og hafa hann á öðrum tíma árs. Þótti sumum 1. des-
ember óheppilegur, vegna þess að þá væri allra veðra von, og vildu
helzt hafa hátiðisdaginn, þegar nýir stúdentar útskrifuðust í Mennta-
skólanum síðast í júni. Ekki fékk þessi uppástunga mikinn byr.
Stúdentagarðurinn.
í byrjun háskólaársins áttu ]>essir menn sæti í Stúdentagarðsnefnd:
Björn Þórðarson lögmaður, Gunnlaugur Einarsson læknir, Pálmi
Hannesson rektor, Tómas Jónsson lögfræðingur, Pétur Sigurðsson
háskólaritari, Ragnar Jónsson lögfræðingur og Pétur Jakobsson cand.
med. Hinn 19. janúar 1933 létu Ragnar Jónsson og Pétur Jakobsson
af störfum, en i þeirra stað kaus stúdentaráðið i nefndina þá Val-
geir Björnsson bæjarverkfræðing og Kristján Steingrímsson stud. jur.
Hinn 13. maí lét Kristján Steingrímsson af störfum, en kosinn var þá
i nefndina Guðmundur í. Guðmundsson stud. jur.
Formaður nefndarinnar er Pétur Sigurðsson, en gjaldkeri Tómas
Jónsson. Stúdentagarðsnefndin er kosin af stúdentaráðinu til að ann-
ast framkvæmdir og umsjón allra mála, er stúdentagarðinn varða, en
úrslitavald um mál garðsins hefir stúdentaráðið.
Þegar í byrjun háskólaársins tók stúdentaráðið garðsmálið til
meðferðar, og vegna sameiginlegra átaka þess, stúdentagarðsnefndar
og rektors Háskólans, prófessors Alexanders Jóhannessonar, komst nú
verulegur skriður á framkvæmd þess. Átlu stúdentaráðið, nefndin og
rektor nokkrar umræður um málið, og var sú ákvörðun tekin, að haf-
izt yrði þegar handa um nauðsynlegan undirbúning og framkvæmdir
i málinu, á þeim grundvelli, að byggður yrði sumarið 1933 stúdenta-
garður fyrir það fé, sem handbært væri, með þeirri tilhögun, að
Fyggja mætti við garðinn siðar, ef ástæður Ieyfðu og þörf krefði.