Árbók Háskóla Íslands - 01.01.1938, Blaðsíða 67
65
Skipulagsskrá
fyrir Gjöf Hannesar Þorsteinssonar.
1. gr. — Sjóður þessi, sem stofnaður er með dánargjöf dr. phil.
Hannesar Þorsteinssonar þjóðskjalavarðar, samkvæmt arfleiðsluskrá
hans dagsettri 11. júlí 1931, nefnist Gjöf Hannesar Þorsteinssonar.
2. gr. — Sjóðurinn er eign Háskóla fslands og stendur undir stjórn
háskólaráðsins, er skal varðveita eignir hans og sjá um, að þær séu
gerðar arðbærar. Peningaeign sjóðsins skal geymd í Landsbanka ís-
lands eða varið til kaupa á veðdeildarbréfum landsbankans, jarðrækt-
arbréfum eða öðrum álíka tryggum verðbréfum. Svo má og, ef það
þykir henta, kaupa fyrir fé sjóðsins fasteignir, er tryggt þykir að
eiga og örugt að gefi arð. Handril þau, sem nú eru eign sjóðsins,
skal háskólaráðið reyna að selja, en þó er því óheimilt að selja þau
til útlanda.
3. gr. — Höfuðstól sjóðsins má aldrei skerða, og skal jafnan ár-
lega leggja við hann a. m. k. Mo af arði þeim, sem sjóðurinn hefir
haft af eignum sínum það ár. Gróði, sem sjóðurinn hlýtur við kaup
eða sölu á verðbréfum eða öðrum eignum, skal allur lagður við
höfuðstólinn.
4. gr. — Þeim hluta af arði sjóðsins, er eigi skal leggja við höfuð-
stól samkv. 3. gr., má verja á þessa lcið:
a. Til styrktar ungum námsmönnum, sem leggja stund á íslenzka
sagnfræði við Háskóla íslands.
b. Til rannsókna og rita um íslenzka sögu og persónusögu, ásamt
ættfræði.
c. Til útgáfu rita um þau efni, sem getur í b-lið þessarar greinar,
sérstaklega rita frá siðari öldum, eftir siðaskipti.
5. gr. — Háskólaráðið ræður úthlutun fjár úr sjóðnum, eftir til-
lögum heimspekisdeildar. Heimilt er að leggja saman og úthluta í
einu tekjum fleiri ára en eins, ef slikt þykir liagkvæmt.
6. gr. — Reikning sjóðsins skal gera árlega, og skal hann endur-
skoðaður með sama hætti sem reikningur annara sjóða háskólans.
Reikninginn skal birta í árbók liáskólans.
7. gr. — Leita skal konungsstaðfestingar á skiimlagsskrá þessari
og birta hana í B-deiId stjórnartiðindanna.
Staðfest af konungi 2. febrúár 1938.