Árbók Háskóla Íslands - 01.01.1973, Blaðsíða 40
38
Árbók Háskóla íslands
til skamms tíma. En lausn frá störfum hafa
fengið einn lektor, einn dósent og einn
prófessor. Við Raunvísindastofnun há-
skólans starfar enn fremur erlendur stærð-
fræðingur. Háskóli íslands æskir hinum
nýju kennurum alls góðs í starfi og þakkar
þeim, er látið hafa af störfum, af alhug fyrir
unnin störf. Þá hefur háskólinn orðið að sjá
á bak háskólaritara sínum, miklum garpi og
vitmanni. Hafi hann þakkir og óskir um
velfarnað. En maður kemur manns í stað,
og er nýjum háskólaritara fagnað af alhug.
En það er og ástæða til að koma fleiri
þökkum á framfæri. Háskóli Islands þakkar
af alhug Eggerti Vilhjálmi Briem frá
Staðarstað, er hefur dvalið mikinn hluta
ævinnar í Bandaríkjunum. Stórlyndi og
höfðingsskapur hans hefur verið mikil
lyftistöng undanfarinn áratug, fyrst fyrir
eðlisfræðistofnun og síðan fyrir Raunvís-
indastofnun háskólans; þangað hefur hann
beint fjölda góðra gjafa. Og nú á þessu ári
hefur borist púlsagreinir, tæki til
Mössbauermælinga og reiknivél, að verð-
mæti á aðra milljón króna. Háskóli íslands
metur mikils áhuga þann, sem Eggert
Briem hefur sýnt eðlisfræði- og jarðeðlis-
fræðirannsóknum.
Það er og vert að minnast hinnar mynd-
arlegu sjóðsstofnunar Einars Ásmunds-
sonar í Sindra, sem m. a. mun koma við-
skiptadeild í góðar þarfir, og þakkar Há-
skóli íslands það af alhug.
Háskóla íslands hefur og verið send stór-
gjöf frá Jens Nörgaard, dýralækni í
Snoldelev í Danmörk, safn muna frá Bech-
úanalandi, verkfæri, búningar, skraut, vopn
og fleira, auk dýrafræðilegra kennslugripa.
Kann Háskóli fslands vel að meta góðhug,
sem býr hér undir, og vonandi líður eigi
á löngu, að gripir þessir geti orðið til sýnis
og komið að liði, er húsnæði verður til
þess.
Guðfræðideild hefur borist mikil og góð
bókagjöf frá frú Steinunni Magnúsdóttur,
biskupsekkju. Og á sunnudaginn var gáfu
finnskir íslandsvinir stóra og góða gjöf
finnskra bóka.
Háskóli íslands þakkar öllum, sem á einn
eða annan hátt hafa sýnt háskólanum sóma
og velvild. Hann þakkar prófessor Richard
Beck ogfrú Margréti skeyti, erhljóðar svo:
„Kveðja til Háskóla íslands sextugs:
Fjarlægur sonur fræðamóður
fléttar ljóðsveig á heillastundu.
Hjartgróinn þakka og óska óður
úthaf brúar að feðragrundu."
Háskóli íslands nýtur erlendis velvildar
og virðingar. Miklar samgöngur og sam-
skipti eru milli hans og erlendra háskóla, og
er vonandi, að aukist enn, eftir því sem
fjárhagsgeta hans og útsjónarsemi verða
meiri. Af hálfu vestur-þýskra stjórnvalda er
nú til athugunar að reisa sérstakt hús, mið-
stöð þýskra bókmennta og lista sem há-
skólastofnun hér. Mættu fleiri taka mið af
því.
En mesta atburðar liðins háskólaárs er þó
eftir að geta. Nú hinn fyrsta vetrardag er
vert að minnast heimkomu fyrstu handrit-
anna íslensku eftir aldageymslu í Kaup-
mannahöfn. Það upphaf liðins sumars mun
yður vera í fersku minni. Síðan hefur það
gerst, að kennslumálaráðuneytið fékk Há-
skóla íslands til vörslu helminginn af Legati
Árna Magnússonar með bréfi hinn 29. júní
síðastliðinn og verður sú upphæð ávöxtuð í
dönskum verðbréfum. Sýnir það og sannar,
að staðið verður við gerðan milliríkja-
samning, þótt verkinu sjálfu, skiptingunni,
verði ekki lokið á einum degi.