Árbók Háskóla Íslands - 01.01.1973, Blaðsíða 131
Annáll
129
eldri deilda háskólans, sem sumar hverjar
hafa þróaö fræðileg tök sín síðan um og
upp úr miðri 19. öld. Er þetta því merkara
sem þjóðfélagsfræði hafði þá tekið á sig
svo margar og mismunandi myndir, eink-
um á Norðurlöndum, að sums staðar fór
það orð af, að fáir vissu hvað heyrði
þjóðfélagsfræðum og hvað ekki. Allar
skýrgreiningar fræðanna voru víða á reiki,
en nefndin markar öllu bás og skipar
viðfangsefnum kennslu og rannsókna með
raunhæfar þarfir þjóðarinnar fyrir augum.
Kennaraþörf næstu 3ja ára er lýst svo,
að skipa þurfi tvo prófessora, erlenda í
fyrstu, og fjóra lektora auk stundakenn-
ara.
Síðasti kafli álitsins fjallar um félagsráð-
gjöf (lýkur raunar á Orðalista, þar sem birt
er skrá um heiti í fræðum þessum með
íslenskum þýðingum, og hefur hagur orða-
smiður farið höndum um). Nefndin leggur
áherslu á þörf þjóðarinnar fyrir félagsráð-
gjafa, en bendir á annmarka á því að hefja
kennslu þegar í stað, einkum sökum fæðar
sérmenntaðra félagsráðgjafa (7), er gætu
veitt félagsráðgjafarnemum tilsögn á stofn-
unum. Leggur nefndin því til, að frestað
verði að hefja þessa kennslu, þar til tök
verði á að ráða fram úr annmörkum.
Þörfina taldi nefndin brýna, enda höfðu
allmargir stúdentar gefið til kynna áhuga
smn á félagsráðgjafarnámi í áminnstri
könnun.
c. Reglugerðarnefnd menntamálaráðu-
neytis
^■ júlí 1970 skipaði menntamálaráðherra
..nefnd til þess að semja drög að reglugerð-
arákvæðum um nám í þjóðfélagsfræðum
við Háskóla íslands ... á grundvelli þjóð-
félagsfræðanefndar þeirrar, er starfaði að
þessum málum á vegum háskólans.“ Skip-
aðir voru prófessorarnir Magnús Þ. Torfa-
son, Ólafur Björnsson og Þórir Kr. Þórð-
arson, en varamenn prófessorarnir Björn
Björnsson og Guðmundur Magnússon, og
Jónatan Þórmundsson lektor, allir til-
nefndir af deildum; Þórólfur Þórlindsson
þjóðfélagsfræðinemi, tilnefndur af Stúd-
entaráði, og síðar Björn Bjarnason þjóð-
félagsfræðinemi. Jón Sigurðsson hag-
rannsóknastjóri var skipaður án tilnefning-
ar, og var hann formaður nefndarinnar.
Nefndin tók til nýrrar athugunar, hvern-
ig ætla mætti þjóðfélagsfræðum rúm í Há-
skóla íslands í ljósi þess, að heimspeki-
deild hafði færst undan því, að stofnað yrði
til þjóðfélagsfræðaskorar í deildinni. Var
niðurstaða nefndarinnar sú, og er hún
rækilega rökstudd í álitinu, „að um þjóð-
félagsfræðanámið yrði mynduð sjálfstæð
eining — námsbraut — við háskólann, sem
byggðist á samstarfi háskóladeilda, bæði
að því er varðar kennslu og yfirstjórn“.
Lagði nefndin fram tvær tilllögur (I og II).
Samkvæmt hinni fyrri skyldu kennarar á
þjóðfélagsfræðanámsbrautinni ráðnir við
þær háskóladeildir, sem að fræðasviði
henti best, en námið í heild lúti sérstakri
námsstjórn; en samkvæmt síðari tillögunni
skyldi heimilað „að ráða kennara sérstak-
lega til kennslu við námsbrautina". Jafn-
framt samdi nefndin tvær tillögur um
nauðsynlegar lagabreytingar.
í tillögum nefndarinnar að lagabreyt-
ingu vegna tillögu II (sem háskólaráð
valdi) var kveðið á um, að stofna skyldi
„sjálfstæða námsbraut í almennum þjóðfé-
lagsfræðum, er lúti sérstakri námsstjórn"
er í eigi sæti „fastráðnir kennarar við
þjóðfélagsfræðanámsbrautina, einn full-
trúi tilnefndur til tveggja ára af forseta
9