Árbók Háskóla Íslands - 01.01.1985, Blaðsíða 23
Guðfræðideild og fræðasvið hennar
21
Stofnunin er til húsa í aðalbyggingu H.í.
Fjárveitingar til stofnunarinnar úr ríkis-
sjóði hafa engar verið, fyrr en á fjárlögum
ársins 1986, 125 þús. kr. Pess vegna hefur
stofnunin ekki getað gegnt hlutverki sínu
svo nokkru nemi til þessa. Þar með er ekki
öll sagan sögð. Árið 1982 færði stjórn Elli-
og hjúkrunarheimilisins Grundar stofnun-
inni minningargjöf að upphæð 100 þúsund
krónur á 60 ára starfsafmæli heimilisins.
Jafnframt var settur á stofn Starfssjóður
Guðfræðistofnunar Háskóla íslands. Sömu
aðilar hafa síðan styrkt sjóðinn með rausn-
arlegum gjöfum, og nú er svo komið, að
hann er að verða nokkurs megnugur.
Um þessar mundir er unnið að einu
rannsóknarverkefni. Það er fólgið í könn-
un á trúarlífi og trúarlegum viðhorfum ís-
lendinga.
Hluti af undirbúningi þess verkefnis er
nánari úrvinnsla á könnun Hagvangs á gild-
ismati og mannlegum viðhorfum íslend-
inga. Að þessu verkefni vinna dr. Pétur
Pétursson, félagsfræðingur f Lundi, og
Björn Björnsson prófessor.
Af öðrum verkefnum má nefna söfnun
innlendra heimilda og gagna um guðfræði
og undirbúning að útgáfu ritraðar
Guðfræðistofnunar H.í.
Björn Björnsson
forstöðumaður
Læknadeild og fræðasvið hennar
Inngangur
í Árbók Háskóla íslands 1981-1982 ritar
þáverandi forseti læknadeildar, Víkingur
H. Arnórsson prófessor, mjög ýtarlega og
yfirgripsmikla grein um læknadeild. Gerir
hann þar grein fyrir sögulegri þróun lækna-
kennslu á íslandi, þróun læknadeildar há-
skólans og tengslum læknadeildar við
sjúkrahús og aðrar stofnanir. Ennfremur
er gerð grein fyrir tengslum við rannsókn-
arstofnanir læknadeildar, aðrar náms-
brautir innan deildarinnar og við umheim-
inn. Víkingur gerir einnig að umtalsefni
viðleitni læknadeildar til að halda uppi
háum gæðum kennslu og menntunar og þá
erfiðleika sem þar hefur verið við að stríða
Vegna mikillar ásóknar í námið og baráttu
deildarinnar fyrir sanngjörnum takmörk-
Unarákvæðum, numerus clausus. Loks
ræðir Víkingur í grein sinni almennt um
hættur af fjársvelti háskólans og einstakra
deilda.
Þessi yfirgripsmikla grein er þess eðlis,
uð hér er full ástæða til að vísa til hennar,
en að öðru leyti verður reynt að staldra við
og gefa svolitla yfirsýn yfir stöðu mála í
læknadeild nú, á miðju sumri 1986. Mun þó
einnig gerð grein fyrir „þróun“ mála tíma-
bilið haust 1982 til vors 1986 og reynt að
skyggnast eitthvað fram á veg. Verður að
verulegu leyti stuðst við gögn þau, er Jónas
Hallgrímsson prófessor og fyrrverandi for-
seti læknadeildar lagði Þróunarnefnd Há-
skóla íslands til á vormisseri 1984, en með
áorðnum breytingum.
Staða læknadeildar Háskóla íslands í
lok vormisseris 1986 og áætlun næstu
ára
Auk hins eiginlega læknanáms tengjast
læknadeild nú þrjár aðrar námsbrautir:
Lyfjafræði lyfsala, sem hefur verið náms-
braut undir yfirstjórn læknadeildar síðan
1957, námsbraut í hjúkrunarfræði, sem
tók til starfa 1973, og loks námsbraut í
sjúkraþjálfun, sem hóf störf 1976. Brautir
þessar, sem hefja störf sín nánast frá engu,
hafa þróað námsferla sína mjög sjálfstætt
og sett sér og náð háum markmiðum. Sam-
starf hefur verið um kennara og kennslu á