Árbók Háskóla Íslands - 01.01.1985, Blaðsíða 73
Heimspekideild og fræðasviö hennar
71
og í röðinni Working Papers in Scandinavi-
an Syntax, en henni er ritstýrt frá Pránd-
heimi. Þá hafa verið flutt erindi um efnið á
fjölþjóðlegum ráðstefnum. Auk þeirra,
sem áður eru taldir, hafa Halldór Ármann
Sigurðsson, Þóra Björk Hjartardóttir og
Friðrik Magnússon einkum átt þarna hlut
að máli. Ætlunin er að steypa öllu þessu
efni saman í bók eða bækur í fyllingu tím-
ans.
4. Máltölvun. Fyrstu tilraunir með nýt-
ingu tölvu við íslenskar málfræðirannsókn-
tr fóru fram á vegum Málvísindastofnunar
á fyrstu starfsárum hennar. Hreinn Bene-
diktsson var þá forstöðumaður stofnunar-
innar, en Baldur Jónsson vann mest að
máltölvuninni. Náin samvinna var við
reiknifræðinga og tölvufræðinga er tengd-
ast Raunvísindastofnun og Reiknistofnun.
Gefin var út skýrsla um tíðni orða í skáld-
sögunni Hreiðrið eftir Ólaf Jóhann Sig-
urðsson. Baldur vinnur enn að máltölvun-
arverkefnum, og er það að nokkru leyti í
tengslum við Málvísindastofnun. Auk þess
hefur stofnunin tengst fleiri máltölvunar-
verkefnum upp á síðkastið, svo sem fyrir-
hugaðri gerð orðstöðulykils yfir Biblíuna (í
samvinnu við Orðabók háskólans, Guð-
fræðistofnun, Baldur Jónsson, Baldur
Pálsson o.fl.), og á döfinni eru verkefni í
samvinnu við Reiknistofnun, Reiknifræði-
stofu Raunvísindastofnunar o.fl., en Svav-
ar Sigmundsson og Jörgen Pind hafa verið
fulltrúar stofnunarinnar í þessu samstarfi.
hjónustuverkefni
Undanfarin ár hefur Málvísindastofnun
tekið að sér að útvega sérfræðinga til að
lesa yfir og gera málfarslegar athugasemdir
við handrit, lesa prófarkir eða þýða ýmiss
konar texta. Þessi þjónusta hefur mælst vel
fyrir. Það eru einkum ýmis fyrirtæki sem
leitað hafa til stofnunarinnar með verkefni
af þessu tagi, en einnig hafa einstaklingar
beðið um þessa þjónustu. Verðlagning
þjónustunnar er miðuð við taxta Félags ís-
lenskra fræða og er mismunandi eftir því,
hvers eðlis verkefnið er. Á grundvelli taxt-
ans er unnt að gera fast verðtilboð fyrir-
fram ef óskað er. Einnig má semja um af-
slátt ef um er að ræða löng handrit eða
prófarkir — t.d. bókarlengd.
Efling stofnunarinnar
Meðal þess, sem forsvarsmenn stofnun-
arinnar dreymir um til að efla hana, er
þetta:
1. Að stofnunin fái fjárhagslegt bolmagn
til að ráða fastan starfsmann, þó ekki
væri nema í hlutastarf.
2. Að unnt verði að efla bókasafn stofnun-
arinnar og aðra starfsaðstöðu í húsnæði
hennar.
3. Að stofnunin fái meiri og betri tœkja-
kost, bæði til ýmiss konar rannsókna-
verkefna (tæki og búnað til úrvinnslu
hljóðfræðigagna, tölvuvinnslu o.fl.) og
vegna útgáfustarfsemi ýmiss konar (t.d.
leysisprentara sem myndi auðvelda og
einfalda alla útgáfustarfsemi).
Höskuldur Þráinsson
Orðabók háskólans
Starfsemi Orðabókar háskólans hefur
bæði aukist mjög og breyst á árunum 1983-
1986, og verður hér á eftir gerð grein fyrir
henni í veigamestu atriðum. Þeim, sem
áhuga hafa á að kynna sér starf Orðabókar-
innar nánar en hér er unnt að gera, skal
bent á bækling og brytling (blöðung (fold-
er)), sem út hafa komið á vegum hennar.
Fjörutíu síðna kynningarrit var gefið út
árið 1984, þar sem í máli og myndum er