Árbók Háskóla Íslands - 30.12.2005, Blaðsíða 23

m.a. verið veitt fyrir það að á árinu 2005 hafi háskólasamfélagið í fyrsta sinn kosið
í leynilegri kosningu konu sem rektor og þar með æðsta stjórnanda stofnunarinn-
ar sem jafnframt væri fjölmennasti vinnustaður landsins. Þetta lýsir jafnréttisvilja
og að hæfileikar. reynsla. þekking og framtíðarsýn konu eru metnir til jafns á við
karla. Háskólinn hefur um langt árabil látið jafnréttismál sig miklu varða með því
að leggja sérstaka rækt við rannsóknir og kennslu á sviði jafnréttismála. enda
segir í jafnréttisáætlun Háskólans að stefnt sé að því að jafnréttissjónarmið verði
samþætt allri starfsemi háskólasamfélagsins. Innan Háskólans hefur verið unnið
að því að jafna launamun kynjanna. að jafna kynjahlutföll í hinum ýmsu greinum
og að hafa jafnréttissjónarmið að leiðarljósi í kennsluaðferðum og við val á
kennsluefni. Þetta þýðirað jafnrétti kynjanna er haft í huga við alla stefnumótun.
ákvarðanatöku og áætlanagerð og litið er á jafnréttisstarf sem lið í gæðaumbót-
um innan skólans.
Úrslit í samkeppni um Háskólatorg
íslenskir aðalverktakar ásamt arkitektunum Ögmundi Skarphéðinssyni og Ingi-
mundi Sveinssyni urðu hlutskarpastir í samkeppni um tillögu að hönnun og bygg-
ingu Háskólatorgs Háskóla íslands. Niðurstaða dómnefnar í samkeppninni var
kynnt 18. október með viðhöfn í Hátíðasal Háskóla (slands. í ávarpi Kristínar Ing-
ólfsdóttur rektors kom fram að með byggingu Háskólatorgs verðurstigið stórt
skref í byggingasögu Háskóla íslands. Háskólatorg muni leysa úr brýnni húsnæð-
isþörf fyrir skrifstofur og fyrirlestrarsali. en jafnframt bæta þjónustu við nemend-
ur auk þess sem það mun skapa frjóan vettvang fyrir kennara og nemendur úr
ólíkum deildum til að hittast og blanda geði.
í umsögn dómnefndar um vinningstiliöguna segir meðal annars að hún beri vott
um þroskaða heildarmynd og í henni sé unnið með fá og einföld grunnform. Sú
hugmynd að steypa byggingarnar ekki í sama mót. heldur iaga hvora að sínu um-
hverfi, sé djörf og útfærslan heppnist vel. Innra fyrirkomulag sé hnitmiðað í öilum
megindráttum og að í tillögunni hafi tekist að skapa lifandi flæði.
Fjórar tillögur bárust um Háskólatorg og var það mat dómnefndar að þær væru allar
metnaðarfullar og fjölbreyttar og gæfu hver um sig nýja sýn á verkefnið. Auk vinn-
ingshafa lögðu fram tillögu um Háskólatorg hóparnir ÞG verktakar ehf. og Sigurður
Halldórsson arkitekt hjá Glámu Kím. ístak og Steve Christer arkitekt hjá Studio
Granda og Keflavíkurverktakar ásamt Sigurði Hallgrímssyni arkitekt hjá Arkþingi.
Áætlað er að hefja byggingarframkvæmdir vorið 2006 og að vígsla fari fram í árs-
lok 2007. Mikilsvert framlag Háskólasjóðs Eimskipafélags (slands gerir Háskólan-
um kleift að ráðast í byggingarframkvæmdirnar en jafnframt verða þær fjár-
magnaðar með sölu fasteigna og lántöku Happdrættis Háskóia íslands.
Háskólatorg Háskóla Islands ersamheiti tveggja bygginga á háskólasvæðinu.
sem verða alls um 8.500 fermetrar að stærð með tengibyggingum. Ætlað er að
Háskólatorg hýsi á þriðja hundrað starfsmenn og um 1.500 stúdenta á hverjum
tíma, auk gesta. Háskólatorg 1 rís á lóð milii Aðaibyggingar og Iþróttahúss og
tengist Lögbergi. Einnig er ætlunin að tengja bygginguna við háskólasvæðið vest-
an Suðurgötu með undirgöngum. Háskólatorg 2 rís þar sem nú er bílastæði á
milli Lögbergs. Nýja Garðs. Árnagarðs og Odda. Háskólatorg 2 tengist Odda á
fyrstu og annarri hæð og Lögbergi á fyrstu hæð.
Háskólatorgi er ætlað að vera lifandi og aðlaðandi staður þar sem fólk kemur
saman til að stunda nám. sinna erindum. nærast og eiga samskipti. Háskólatorg
hýsir ýmsa starfsemi sem snýr að umsýslu og þjónustu við stúdenta og starfs-
fólk. Þá verða í Háskólatorgi fyrirlestrarsalir. kennslustofur. rannsóknastofur.
iesrými og vinnuaðstaða nemenda í grunnnámi og framhaldsnámi. skrifstofur
kennara. tölvuver og ýmis fjölnota rými sem þjóna margvíslegum þörfum. I Há-
skólatorgi verður Bóksala stúdenta, veitingasala, nemendaskrá Háskólans,
námsráðgjöf og Alþjóðaskrifstofa sem og starfsemi Stúdentaráðs og Félagsstofn-
unar stúdenta. Áhersla er iögð á opið rými - torg sem nýtist nær allan sólar-
hringinn. Veitingasala verður við Torgið allan daginn og síðdegis og um heigar má
hafa iítinn hluta veitingasölunnar opinn til að þjóna félagslífi. Upphækkun eða lítið
svið á Torginu er kjörið fyrir ýmsar uppákomur árið um kring. Bóksala stúdenta
°pnast út á Torgið í nokkrar vikur að hausti og í janúar og nemendur geta setið á
Torgi við lestur síðla dags og á kvöldin.
19