Árbók Háskóla Íslands - 30.12.2005, Blaðsíða 78

Erlent samstarf
Magnús sóttj þing háskólaskjalavarða á vegum alþjóðlega skjalaráðsins
International Council on Archives/Section on University and Research Institutions
Archives (ICA/SUV) sem haldið var í East Lansing. Michigan hinn 6.-9. september
2005.
Rekstur og framkvæmdir
Almennt
Almennt
Rekstrar og framkvæmdasvið er önnur af tveimur meginstoðum sameiginlegrar
stjórnsýslu Háskóla (slands. Hlutverk rekstrar- og framkvæmdasviðs er að hafa
umsjón með málefnum er lúta að rekstrarlegri umsýslu Háskólans. fjármálum,
byggingum og nýframkvæmdum. Tilgangur sviðsins er að bæta rekstrarferla
skólans með það að markmiði að reksturinn sé skilvirkur og styðji við heildar-
markmið skólans á hverjum tíma.
Framkvæmdastjóri sviðsins er Guðmundur R. Jónsson. Ásta Hrönn Maack gegndi
stöðu skrifstofustjóra árið 2005.
Með sviðinu störfuðu eftirfarandi nefndin Fjármálanefnd. byggingarnefnd og
dómnefnd Háskólatorgs. byggingarnefnd náttúrufræðihúss. samráðsnefnd Félags
háskólakennara og Háskóla íslands og stjórn íþróttahúss Háskóla íslands.
Háskólatorg
Lögð var lokahönd á kröfu- og þarfalýsingu Háskólatorgs. Við undirbúning útboðs
um hönnun og byggingu Háskólatorgs var ákveðið að beita þeirri útboðsaðferð í
fyrsta sinn hérlendis að festa fjárhæð verkefnisins. Greiðsla fyrir Háskólatorg var
ákveðin 1.6 mitljarður króna. sem skyldi unnið í samræmi við kröfu- og þar-
falýsingu. Útboðsaðferðin felur í sér að við mat á tillögum tekur verkkaupi ein-
ungis afstöðu til gæða þeirra, þar sem kostnaður er fyrir fram ákveðinn í stað
þess að vega saman verðtilboð og gæði eins og tíðkast hefur. Með þessu móti er
dregið úr líkum á að lakari tillaga verði fyrir valinu á grundvelli lægra verðs, jafn-
vel þótt óverulegur munur sé á milli kostnaðar við hana og kostnaði við bestu til-
löguna.í mars 2005 var efnt til forvals þar sem verktaki og hönnuðir sóttu í sam-
einingu um að taka þátt í samkeppni um hönnun og byggingu Háskólatorgs. Nið-
urstöður forvalsins lágu fyrir í apríl og voru eftirtaldir fimm bjóðendur valdir til
þátttöku-.
• íslenskir aðalverktakar hf. ásamt samræmingarhönnuðunum Ögmundi
Skarphéðinssyni frá Hornsteinum og Ingimundi Sveinssyni frá TIS.
• ÞG verktakar ehf. ásamt samræmingarhönnuðinum Sigurði Halldórssyni frá
Glámu Kím.
• ístak hf. ásamt samræmingarhönnuðinum Steve Christer frá Studio Granda.
• Keflavíkurverktakar ehf. ásamt samræmingarhönnuðinum Sigurði Hall-
grímssyni frá Arkþing.
• JB byggingarfélag ehf. ásamt samræmingarhönnuðinum Ormari Þór Guð-
mundssyni.
Dómnefnd um Háskólatorg tók til starfa í lok apríl. Byggingarnefnd Háskólatorgs
tók sæti í dómnefnd ásamt arkitektunum Þorsteini Gunnarssyni og Þorvaldi S.
Þorvaldssyni. fulltrúum frá Arkitektafélagi íslands. samkvæmt sérstöku sam-
komulagi Háskólans og félagsins. Þá starfaði Hildigunnur Haraldsdóttir arkitekt
einnig með dómnefndinni. Ritari dómnefndar var Ásta Hrönn Maack skrifstofu-
stjóri. Dómnefnd yfirfór útboðsgögn og á fundi með bjóðendum í byrjun maí voru
þeim afhentir útboðs- og samningsskilmálar ásamt kröfu- og þarfalýsingu Há-
skólatorgs. Veittir voru rúmir þrír mánuðir til tillögugerðar og þrír frestir til at-
hugasemda og fyrirspurna. Alls bárust rúmlega 60 athugasemdir og fyrirspurnir.
Sneru flestar að fjárhæð verksins og skilafresti tillagna. Skilafrestur rann út
fimmtudaginn 22. september 2005 og skiluðu þá fjórir fyrrgreindir bjóðendur til-
lögu að Háskólatorgi til tengiliðs samkeppninnar hjá Ríkiskaupum. Einn bjóðandi
skilaði jafnframt líkani sem dómnefnd tók til skoðunar. Einn bjóðandi. (JB bygg-
ingarfélag ehf. ásamt samræmingarhönnuðinum Ormari Þór Guðmundssyni) til-
kynnti bréflega að hann myndi ekki leggja fram tillögu.
Fundarstörfum dómnefndar var skipt í tvær lotur. f upphafi var farið yfir almenna
kynningu sem bjóðendur skiluðu með tillögum sínum undir leiðsögn fulltrúa