Árbók Háskóla Íslands - 30.12.2005, Blaðsíða 224

Annað meginsvið Rannsóknastöðvarinnar felst í mengunarrannsóknum. I stöð-
inni hafa undanfarin ár farið fram rannsóknir á áhrifum mengandi efna á íslensk-
ar sjávarlífverur. Á árinu 2005 var lögð áhersla á rannsóknir á áhrifum efnisins
tríbútýltin á hrognkelsalirfur og á krækling.
Árið 2003 náði Rannsóknastöðin í Sandgerði samningi við Evrópusambandið til
tveggja ára um að stöðin er nú aftur skilgreind sem „einstæð vísindaaðstaða''
(Access to Research Facilities) á vegum 5. rammaáætlunar Evrópusambandsins.
Þessi samningur var síðan framlengdur um 6 mánuði og rann út 31. júlí 2005. Ár-
ið 2005 kom vegna þessa samnings 21 vísindamaður og dvöldust þeir við rann-
sóknir í stöðinni í allt að einn og hálfan mánuð. Alls komu á öllu samningstíma-
bilinu 79 vísindamenn sem voru í Sandgerði frá tveimur vikum upp í þrjá mánuði.
Alls dvöldu vísindamenn í 1.755 dag í stöðinni á samningstímabilinu. Rannsókna-
verkefni þessa vísindamanna voru m.a. athuganir á æðarfugli. verkun málningar
á fisklirfu. fjölbreytileiki krabbaflóa, flokkun burstaorma. nökkva og krossfiska,
rannsóknir á kóralþangi, útbreiðsla grænþörunga. sagþangs. bóluþangs. sjávar-
kræðu auk rannsókna á áhrifum eiturefna á þanglýs og lindýr. Þessir sérfræðing-
ar komu frá Hollandi, Danmörku, Noregi. Þýskalandi. Ítalíu. Svíþjóð. Finnlandi,
Spáni, Búlgaríu. Póllandi. Portúgal og Bretlandi.
Auk hinna erlendu sérfræðinga stunduðu sérfræðingar Líffræðistofnunar marg-
víslegar rannsóknir við stöðina og nemendur við líffræðiskor nutu aðstöðunnar
við rannsóknir sínar. Halldór P. Halldórsson vinnur hluta rannsóknavinnu dokt-
orsnáms síns á stöðinni.
Á stöðinni fór einnig fram kennsla á vegum líffræðiskorar. Á vormánuðum fór
umfangsmikill verklegur þáttur námskeiðsins Eiturefnavistfræði fram í stöðinni.
Stöðin lagði einnig til mikinn efnivið til verklegrar kennslu í greinum er fást við
lífríki sjávar.
Siðfræðistofnun
Stjórn og starfslið
Stjórn Siðfræðistofnunar var óbreytt frá fyrra ári en í henni eiga sæti: Vilhjálmur
Árnason, prófessor, tilnefndur af heimspekiskor. formaður stjórnar. Sólveig Anna
Bóasdóttir. dr. theol., tilnefnd af guðfræðideild, séra Irma Sjöfn Óskarsdóttir. til-
nefnd af kirkjuráði þjóðkirkjunnar, Ástríður Stefánsdóttir. dósent. tilnefnd af
Kennaraháskóla íslands og Páll Hreinsson. prófessor í lagadeild. skipaður af há-
skólaráði án tilnefningar. Fyrir utan forstöðumann. Salvöru Nordal, sem er í fullu
starfi, hafa sérfræðingar verið ráðnir í einstök rannsóknarverkefni í lengri eða
skemmri tíma.
Rannsóknir
Rannsóknir á gagnagrunnum. Styrkur fékkst úr Rannsóknasjóði Rannís fyrir
verkefnið Notkun gagnagrunna á heilbrigðissviði: Siðferðileg álitamál. Verkefnið
hófst á árinu og var Ingunn Ólafsdóttir. stjórnmálafræðingur. MA. ráðin til að vinna
úttekt á starfi Vísindasiðanefndar.
Siðfræðistofnun hlaut áframhaldandi styrk frá NorFa/Nordforsk fyrir samstarfs-
net á sviði siðfræði og lífvísinda. The Ethics of Genetic and Medical Information.
Auk Siðfræðistofnunar, sem leiðir verkefnið, standa að rannsókninni vísindamenn
frá Eistlandi. Finnlandi, Svíþjóð og Englandi. Fundur var haldinn í verkefninu í
Manchester 30. maí þar sem rætt var um gagnagrunna á heilbrigðissviði og lyfja-
erfðafræði.
í framhaldi af verkefninu ELSAGEN Ethical. Legal and Social Aspects of Human
Genetic Databases. sem lauk formlega í árslok 2004, hefur Siðfræðistofnun tekið
þátt í margvíslegum erlendum fundum. Formanni stjórnar og forstöðumanni var
m.a. boðið á málþing PGHeart hjá læknadeild Warwick University í Englandi. Fund-
urinn var haldinn 27. maí og var hugsaður sem undirbúningur nánara samstarfs
við Warwick. Formanni stjómar var boðið á fund verkefnisins The Development of
European Standards on Confidentiality and Privacy in Healthcare among Vulnerable
Patient Populations (EuroSOCAP) sem haldinn var í Istanbul 17.-19. febrúar2005
þar sem hann gerði grein fyrir helstu niðurstöðum ELSAGEN-verkefnisins.
Á árinu var sótt um áframhaldandi styrki fyrir rannsóknir á sviði gagnagrunna á
heilbrigðissviði bæði í 6. rammaáætlun Evrópusambandsins.
220