Stúdentablaðið - 01.10.2001, Blaðsíða 29

stúdentablaðið 291
Vatnsmýri
.
Hvers vegna svæði Háskóla íslands og Vatnsmýrin er ákjósanlegasti staðurinn fyrir þróun þekkingarþorps á höfuðborgarsvæðinu:
1. Alvöru þekkingarþorp þarf að vera við öflugan rannsóknarhá-
skóla.
2. Háskóli íslands er langöflugasti rannsóknarháskóli landsins.
3. Háskóli íslands er einnig langstærsti háskóli landsins og há-
skólaflóran því fjölbreyttust þar.
4. Háskólasvæðið er í miðborgarumhverfi sem er að mati erlendra
ráðgjafa mikilvægur viðbótarkostur fyrir þekkingarþorp.
5. Háskólasvæðið er tilbúið til uppbyggingar mjög fljótlega.
6. íslensk erfðagreining hf. er þegar komin inn í umhverfi þekking-
arþorpsins og hefur jákvæð áhrif á slíka uppbyggingu.
7. Náttúrufræðahús H.í. mun leggja þekkingarþorpsstarfseminni lið
með nálægð sinni.
8. Þekkingarþorp H.í. hefur síðan vaxtarmöguleika til austurs og suð-
urs handan byggingar ÍE. Landspítalasvæðið og háskólasvæðið munu
vaxa saman.
9. Til lengri tíma mun svo Vatnsmýrarsvæðið geta lagt frekari þróun
þekkingarfyrirtækja og íbúabyggðar lið, með því að flugvöllurinn vík-
ur (að hluta eða öllu leyti). Ný miðborg verðurtil.
10. Miðstöð íslenska þekkingarsamfélagsins á að byggja upp þar
sem styrkur er fyrir liendi til að ná árangri, þ.e. á og við háskólasvæð-
ið. Dreifð uppbygging slíkrar starfsemi er ávísun á veikari þróunarfor-
sendur og lakari samkeppnisstöðu gagnvart útlöndum.
„Kannski finna þeir gull."
I’egar iðnvæðingin hóf sitt skeið byggð-
ust verksmiðjurnar upp í nánd við orku- og
auðlindanámur, Þar var hráefnið, þar var
eldsnettið. Þangað streymdi fjármagnið og
þar mynduðust nýju störfin, þangað komu
vegir og járnbrautir. Þar varð til nútími lið-
inna daga. Fólkið streymdi þangað í leit að
tækifærum, í leit að framtíð og í leit að
betra lífi. Heilu borgarsamfélögin risu upp
úr auðnunum. Þar sem auðlindirnar voru, -
þar byggðust miðstöðvar samfélagsins.
Nýja hagkerfið
Nú - segja sumir - er að þróast upp nýtt
hagkerfi, þar sem þekkingin er smám sam-
an að verða mikilvægasta auðlindin. Hún er
hráefnið og eldsneytið í hagvexti næstu ára-
tuga og jafnvel framtíðarinnar allrar. Það er
hún sem laðar að sér fjármagnið, hún felur
í sér tækifærin, - hún, er framtíðin. Þekk-
ingin - segja þeir- hún er sú auðlind sem
miðstöðvar samfélagsins munu rísa utan
um í náinni framtíð.
Er eitthvað nýtt við þekkingu?
Aðrir hafa minni trú á „mýtunni“ um nýja
hagkerfið. „Hefur þekkingin ekki alltafver-
ið undirstaða nýsköpunar?“ - spyrja þeir.
„Snýst ekki þekkingarleit nútímans einnig
um betri nýtingu sömu grunnþátta, fólks-
ins og hráefnanna?“ I hugum þeirra cr nýja
hagkerfið „sami bílinn, en með nýrri vél.“
En engu að síður...
Það er ekkert nýtt við þekkingu og hug-
myndir, þau hafa alltaf verið til staðar. En
nú lifa þau sjálfstæðu lífi. Maðurinn hefúr
lengi leitað þckkingar til að þróa nýja
tækni, finna og nýta nýjar auðlindir, og til
þess að fá nýjar hugmyndir. Fyrr sem nú,
hefur alltaf þurft nýjar hugmyndir til að
takast á við ný úrlausnarefni og ný tæknileg
vandamál. Nýsköpun hefur alltaf \'crið til
staðar. Það er hún sem hefur skapað \'erð-
mætin; ný tæki, nýjar auðlindir og nýjar
söluvörur. Nýsköpunin hefur alltaf verið
ein forsenda hins stöðuga hagvaxtar sem
nevslusamfélag nútímans bj'ggir á.
...hefur breyting orðið
I dag er það þekkingin ein og sér sem er
verðmæti. I dag eru það lausnir sem seljast
dýrum dómum. Fjárfestar nútímans eru
reiðubúnir að binda mikið fé í eina hug-
mynd, því í dag eru hugmyndirnar verð-
mæti. Þangað leitar fjármagnið. Fjárfest-
arnir leita ekki lengur að nýjum auðlindum,
þeir leita nýrra hugmynda og fjármagna
þær. Þekkingin, hún ku vera auðlind 21.
aldar.
En hvar eru þekkingarnámurnar?
Þckkingin er óneitanlega öðruvísi auðlind.
Það verða engir vísindamenn sem eftir
mikla og ítarlega leit setja fram öll sín
gögn, benda á staðinn, og segja: „Hér er
olía!“. Þekking sem ekki hefur verið sköp-
uð, lausn sem ekki hefur verið fundin, hug-
mynd sem enginn hefur fengið. Þessi
þrenning finnst ekki bara sisona undir yfir-
borði jarðar og bíður þess að verða grafin
upp. í þekkingarhagkerfinu dugir ekki að
finna auðlindina sem nýta má. Nú dugir
ekki minna en að skapa sjálfa auðlindina,
áður en hana má nýta.
I>ær eru í þorpunum
Þess vegna hafa menn kallað þekkingar-
þorpin miðstöðvar þekkingarhagkerfisins.
Þar er verið að skapa umgjörð sem á um-
fram allt að örva og efla nýsköpun, að safna
þekkingunni á eitt s\'æði. I þeim eru fi'rir-
tæki og háskólar út um allan heim nú að
leiða saman hesta sína og efla nándina sín á
milli.
Að hvetja til tilviljana!
Hugmyndin er eltki fundin, hún kviknar af
sjálfii sér. A réttum stað, á réttri stund fyrir
tilviljun eina, en samt í krafti þekkingar og
bakgrunns. I þekkingarþorpinu er verið að
skapa samskiptavettvang. Byggingar eru
samtengdar og þorpið gjarnan allt með
einum sameiginlegum inngangi, svo þú
rekist á alla sem þú þekkir á morgnana.
Krár og veitingastaðir eru félagslegar
tengslamiðstöðvar, umhverfið á að vera fal-
legt og róandi. Fólk með ferskar hugmynd-
ir á að hittast og kynnast, spjalla saman,
deila skoðunum sínum, segja frá verkefn-
unum, miðla af reynslu sinni. Og hver veit
nema einhverjum detti eitthvað sniðugt í
hug!
Ótæmandi möguleikar
Mörg af stærri hátæknifyrirtækjum dagsins
í dag voru á sínum tíma stofnuð af ungu
fólki sem fékk góða hugmynd, e.t.v. við
svipaðar aðstæður og þekkingarþorpin
reyna að skapa í dag. Hewiett Packard hef-
ur höfuðstöðvar út um allan heim. Og hver
hefur ekki heyrt um Microsoft?
Ear er gott að vera
Þegar gull fannst í jörðu forðum daga voru
þcir ófáir sem seldu eigur sínar og flykktust
á svæðin í von um hlutdeild af þeim auðæf-
um sem fundist höfðu en eftir var að vinna.
Nú flykkjast tæknifyrirtæki í þekkingar-
þorpin í von um hlutdeild í því sem gæti
skapast í náinni framtíð. Viðskipta- og ný-
sköpunarumhverfið, samlegðaráhrifin frá
háskólum og öðrum fi'rirtækjum, stoðkerfi
þekkingarþorpsins, samskiptavettvangurinn
- suðupottur nýsköpunarinnar, allt eru
þetta hlutir sem fj'rirtæki sækja í af augljós-
um ástæðum.
I skauti framtíðar
Það er í rauninni ekki hægt að segja til um
hvað þekkingarþorpið mun leiða af sér í
framtíðinni. Við getum reiknað með örari
hagvexti en annars hefði orðið. Við getum
gert okkur vonir um áhuga- og eftirsóknar-
vert samfélag hæfileikafólks. Mögulega
gerist eitthvað stórt. Ef gæfan fylgir kvikn-
ar þar einn góðan veðurdag byltingarkennd
hugmynd. Kannski nokkrir ungir Islend-
ingar stofni þar fi'rirtæki sem sigrar heim-
inn. Hver veit? Svo mikið er \íst, ffum-
kvöðlarnir vilja starfa í þekkingarnámu
ffamtíðarinnar. Kannski finna þeir gull.
grs