Búnaðarrit - 01.01.1908, Page 224
220
BÚNAÐARRIT.
verkað í bezta lagi. Það er erfitt að koma réttu lagi
á þetta fyrir hvern slátrara, á meðan allir verkamenn
eru óæfðir og hafa eigi vanið sig á v a n d v i r k n i o g
hreinlæti. En þar sem enginn lærður slátrari er,
þarf enginn að vænta eftir fyrsta flokks kjöti.
Vigfús er sonur Guttorms alþingismanns Vigfússon-
ar. Hann er rúmlega tvítugur, röskur og duglegur að
allra dómi. Veturinn 1905—1906 var hann erlendis
rúma 6 mánuði að læra slátraraiðn í Esbjerg. í fyrra
haust og í haust vann hann að sauðfjárslátrun á Seyð-
isfirði. Hann hefir áhuga á iðn sinni og dvelur nú er-
lendis í 8 mánuði til þess að læra ýmisleg slátrarastörf,
sem hann gat eigi lært áður á þeim stutta tíma, er
hann var erlendis. Vigfús Guttormsson mun verða dug-
legur maður í iðn sinni og bændum þarfur maður.
Það segir sig sjálft, að það spillir mjög fyrir kjöt-
sölunni, þá er kaupendur fá eins óvandað kjöt eins og
margt af því kjöti er enn, sem kemur frá Islandi. Menn
þurfa eigi annað en stinga hendinni í sinn eiginn barm
til þess að skilja þetta. Að vísu eru flestir íslendingar
manna vanastir vondum vörum. Þeim hefir oft eigi
verið boðið annað, einkum til skamms tíma. Þeir eru
því eðlilega mjög sljóskygnir á vörur og vankunnandi í
vöruþekkingu. En fæstir munu þó verða ánægðir með
vonda vöru eða svikna, er þeir verða varir við það, eins
og t. a. m. þá er baðstofa þeirra fúnar niður og fellur
eftir fá ár, af því að hún hefir verið gerð upp úr viði,.
sem hefir verið vatnsósa eða eintómur gráni. Þá sjá
menn, þótt um seinan sé, að öðruvísi hefði verið að
reisa hana úr góðum viði, þótt hann hefði verið dýrari,
svo að hún hefði staðið tíu sinnum lengur.
Til samanburðar má geta þess hér, að á Ölcrum í
Blönduhlíð standa enn sum bæjarhús þau, sem Skúli
landfógeti Magnússon reisti þar fyrir hér um bil 166 ár-
um (um 1742). Þau voru úr góðum viði og ramgerfrá
upphafi. Skúli Magnússon hafði eigi skap til annars.