Búnaðarrit - 01.06.1919, Blaðsíða 38
J48
BÚNAÐÁRRIT
úr ríkissjóði, og mæltist til að jarðræktarnefnd og bú-
fjárræktarnefnd gerðu tillögur um þau fjárframlög, sem
fara ætti fram á í sambandi við fyrirhugaða fjöigun
ráðunauta.
Þá bað forseti ræktunarnefnd að taka til athugunar,
hvort eigi væri ástæða til að óska þess, að ríkisstjórn-
inni væri heimilað að verja árlega nokkru fje, t. d.
hundrað þúsund krónum, til þess að styrkja meiriháttar
áveitufyrirtæki víðsvegar á landinu, á sama hátt og
áveiturnar austanfjalls, bæði Miklavatnsmýrar-áveituna,
Skeiða-áveituna og hina fyrirhuguðu stór-áveitu í Fló-
anum. Leit forseti svo á, að sanngirni mælti með því,
að menn í öðrum landsfjórðungum verði líkra hlunn-
inda aðnjótandi, en óþarft virtist að tefja slík mál með
því, að gera þau að sjerstöku alþingismáli í hvert ein-
stakt sinn.
Forseti bað ræktunarnefnd ennfremur að taka til at-
hugunar landrækt í kauptúnum, iýsti skoðun sinni á því
máli, og afhenti nefndinni brjef til Búnaðarfjelagsins frá
prófasti Guðmundi Einarssyni í Ólafsvík.
Sölunefnd bað forseti að athuga ullarmatið, hvort ger-
legt væri að breyta því í líkt horf og fiskimatinu.
Fóðurbirgðanefnd bað hann að íhuga uppástungu um
að breyta innritun í forðagæslubækur.
Þá bað hann lagabreytinganefnd að íhuga, hvort ekki
væri ástæða til:
1. að hækka æfitillagið til Búnaðarfjelagsins,
2. að skipa yfirmatsnefnd yfir alt land, til þess að
samræma fasteignamatið milli hjeraðanna,
3. að afnema lausafjártíundina og skýrslur hreppstjóra,
en gera í þess stað forðagæslumönnum að skyldu,
að taka upp hagskýrslurnar, gegn hæfilegri þóknun
úr ríkissjóði.