Búnaðarrit - 01.06.1919, Blaðsíða 70
180
BÚNA ÐARRIT
ráðnir sjeu sjerfróðir menn, sinn fyrir hverja grein búpenings-
ræktarinnar, er sjeu undir stjórn Búnaðarfjelagsins. Jafnframt
var beint til þessarar nefndar tillögu, er samþykt var á aðal-
fundi Búnaðarfjel. íslands — er haldinn var 17. maí síðast-
liðinn — þar sem skorað er á Búnaðarfjelagið að útvega og
styrkja mann til að kynna sjer rækilega fóðrunartilraunir á
búfje, svo að hægt verði sem fyrst að byrja á nauðsynlegum
fóðrunartilraunum hjer á landi.
Nefndin vill fyrir sitt leyti fallast á þessar tillögur, og legg-
ur til, að einum þessara ráðunauta verði falið eftirlit og um-
sjón fóðrunartilraunanna, eftir að hafa undirbúið sig til þess
starfs með utanför.
Nefndinni dylst ekki, að nóg er verkefni á sviði búfjárrækt-
arinnar. Vill hún þar til dæmis benda á, að enn eru naut-
griparæktarfjelög 1 sveitum aðeins 35, hrossaræktarfjelög að-
eins 3 — er notið hafa styrks frá Búnaðarfjelagi íslands —
og tjárraektarfjelög — er ættu að vera í hverri sauðfjársveit —
aðeins 2. Verður því í verkahring ráðunautanna að hvetja
búfjáreigendur til að stofna slík fjelög og leiðbeina þeim í
rjetta átt. Ennfremur að vera við sýningar búfjár. Telur nefnd-
in nauðsynlegt, að á því sviði sjeu færðar út kvíarnar, og að
auk hreppasýninga sje stefnt að því, að koma á hjeraðssýning-
um 5. hvert ár í hverju hjeraði og svo með tímanum — er
samgöngur batna — landsýningu við og við. Þá vill nefndin
benda á, að nauðsynlegt sje að færðar sjeu ættartölubækur
fyrir bestu kynbótagripi hverrar búfjártegundar. Yrði það til
að hækka þá gripi í verði, hvetja búfjáreigendur til meiri at-
hafna við úrval og kynbætur og auka kynfestu hjá búfjárteg-
undunum. Þá telur nefndin æskilegt að ráðunautunum yrði
falin kensla við bændaskólana að vetrinum, eftir þvf sem við
yrði komið — og loks ætlast nefndin til, að ráðunautarnir
hvetji og leiðbeini til betri ásetnings og betri fóðrunar og
hirðingar búpenings og vinni að stofnun fjelagsskapar í sveit-
unum í þessu skyni.
Kostnaður á næsta fjárhagstímabili, verður frá sjónarmiði
nefndarinnar sem næst þessi: