Búnaðarrit - 01.06.1919, Blaðsíða 106
216
BÚNAÐARRIT
bætur, þar sem staðhættir eru góðir. — Hjer er mikið
verkefni fyrir hendi. — Rannsaka þarf næringarefni i
vatni víða um land, og gera mælingar og áætlanir. —
Hjer er starf handa mörgum mönnum.
3. Fóðurjurtir. Taðan 1917 var metin 14 milj. króna
virði. Túnræktin er enn á frumstigi. Þaksljettuaðferðin
er að verða of-dýr. Græði- og sáðsljettur geta iánast,
það hafa tilraunirnar bent ótvírætt á, en meiri vand-
hæfni og kunnáttu þarf við þá ræktun en hina. Að þessu
hafa menn látið sjer nægja að þekkja gras, en grasið,
er vjer svo köllum, er samsafn margra tegunda, og eigin-
leika hverrar þessarar tegundar þarf að þekkja, svo að
hægt sje að velja tegundir eftir jarðvegi og öðrum rækt-
unarskilyrðum, þegar urn fræsáningu er að ræða. Þessar
tilraunir eru all-margbrotnar og gera kröfur til mikillar
nákvæmni, en hennar er þörf, því að verulegur árangur
vinst hjer eigi nema smátt og smátt. Mjög væri mikils-
vert, að nánari tilraunir yrði gerðar með ræktun fóður-
rófna og verulega áreiðanlegar tilraunir með áburð, bæði
búpenings- og tilbúinn -áburð, og önnur efni, sem hjer
gæti komið til greina að nota sem áburð. Frærækt af
fóðurjurtum mundi og varða miklu.
4. GarðyrJcja. Það þarf að vinna ötullega að því, að
auka og efla garðyrkjuna. Vjer þurfum og getum aflað
oss 10 sinnum meira af matjurtum en nú öflum vjer,
og má öllum vera Ijóst, að hvílíku gagni slíkt mætti
verða. Þyrfti þá eigi að sækja til annara þessa matvöru.
í sambandi við matjurtaræktunina þarf svo að stunda
trjá-, runna- og blómarækt. Þá mundi mönnum verða
sveitirnar kærari, ef blómlegir garðar væri við hvert býli.
Margt þarf enn að rannsaka við garðyrkjuna. reyna
nýjar tegundir og afbrigði og bæta ræktunaraðferðirnar.
Frærækt og úrvals-kynbætur myndu skifta miklu.
Þá er búpeningsrœktunin. Hún þarf einnig að taka
stakkaskiftum. Búpening verður að álíta sem einskonar
vjeiar, sem breyta fóðureínunum í búpeningsafurðir, og