Alþýðumaðurinn - 20.02.1945, Blaðsíða 4
ALÞÝÐUMAÐURIN N
Friðjón
Skarphéðinsson
verður bæjarfógeti á Akureyri og
S
sýslumaður í Eyjafjarðarsýslu.
Eins og vitað er, sagði Sig. Egg-
erz lausu bæjarfðgetaembættinu
hér á sl. ári. Ernbættinu var slegið
upp eftir áramótin og sóttu 13
um starfann. A ríkisráðsfundi 12.
þ. m. veitti Forseti Islands Frið-
jóni Skarphéðinssyni, bæjarstjóra
í Hafnarfirði embættið frá 1. Mars
n. k.
I stuttu máli er þetta að segja
um hinn lilkomandi bæjarfógeta
hér og sýslumann Eyjafjarðar-
sýslu:
Friðjón Skarphéðinsson er 36
ára að aldri, fséddur 16. apríl
1909 að Oddsstöðum í Dölum.
Hann tók stiidentspróf frá Mennta
skólanúm í Reykjavík árið 1930.
Embættisprófi í lögfræði lauk
hann í febrúar 1935. Strax að af-
loknu prófi varð hann fulltrúi hjá
bæiarfógetanum í Flafnarfirði og
gegndi því starfi til loka þess árs.
Starfsmaður Olíuverslunar íslands
var liann 1936—1937. Á árunum
1937 til 1938 dvaldi hann við
framhaldsnám í Kaupmannahöfn.
En er hann kom heim vorið 1938
var hann ráðinn bæjarstjóri í Hafn
arfirði.
Hefir hann gegnt því starfi síð-
an við sívaxandi álit og vinsældir,
enda sýnt frábærann dugnað í því
starfi, bæði sem framkvæmdastjóri
og skrifstofumaður.
Mun því almennt fagnað að
hingað kemur ungur maður og öt-
ull í starfi, enda meira í samræmi
við kröfur tímans, en gráar hærur
og elli, en þær hafa of lengi ver-
ið aðalmeðmælin með embættis-
mönnum hér á landi.
Árshátíð
hélt Gagnfræðaskóli Akureyrar
sl. Miðvikudagskvöld. Yar þetta
fyrsta skemmtisamkoman, sem
haldin hefir verið í hinum nýju
salarkynnum skólans. Hátt á þriðja
hundrað manns sátu að kaffi-
drykkju í öðrum samkomusal
skólans, en sungið var og dansað á
næstu hæð fyrir ofan, í enn stærri
sal. Nemendur gengu um beina og
sáu um alla framreiðslu, og var
allt þetta með sérstökum myndar-
brag. Einnig fluttu nemendur all-
ar fyrirfram ákveðnar ræður í hóf-
inu, en auk þeirra töluðu skólastj.
Þorst. M. Jónsson, Brynleifur To-
biasson mennlaskólakennari, Brynj
ólfur Sveinsson, menntaskólakenn-
ari og Jón Sigurgeirsson kennari,
sem stjórnaði samkomunni. Söng-
kennari skólans, Áskell Jónsson
stýrði söng, bæði undir borðum og
síðar er nemendur sungu nokkur
lög áður en dansinn hófst. Fór allt
þetta hið besta fram og var sam-
koman öll hin ánægjulegasta.
Bílstjórafélag Akureyrar ,
heldur skennntifund fyrir félaga
sína og gesti að Hótel Gullfoss,
Föstudaginn 23. þ. m., kl. 9 e. h.
Til skemmtunar verður: Kvik-
mynd, upplestur og dans. Aðgöngu
miðar seldir við innganginn.
Frá Alþýðuflokksfélaginu
Fyrri hluti aðalfundar félagsins
var haldinn á Fimtudaginn var.
Þrír nýir félagar-gengu inn á fund-
inum. Síðari hluti fundarins verð-
ur n. k. Fimtudagskvöld. Verður
þá kosin stjórn og trúnaðarráð.
Einnig verða rædd atvinnumál.
Sjá augl. í blaðinu í dag.
Kvenfélagið Hlíf
heldur fund 22. Febrúar, kl.
8.30 e. h. í Skjaldborg.
Fjölmennið.
Ábyrgðarmaður:
Erlingur Friðjónsson.
Prentsmiðja Björns Jónssonar h. f.
Frelsarar Grikklands
Kommúnistar IJerjast eins og
ljón við að troða því inn í þjóðina
að uppreistarforingjarnir — EL-
AS-mennirnir í Grikklandi væru
að berjast fyrir frelsi grísku þjóð-
arinnar, en gegn „kúgurum Breta“
En eins og allir vita, sem lesa ann-
að en áróðursblöð og rit konnnún-
ista voru og eru ELAS-mennirnir
útsendarar Rússa til að reyna að
brjótast til valda í Grikklandi og
hnýta því aftan í Rússland, eins
og kommar gerðu líka tilraun til
að gera í Frakklandi, Belg íu og It-
alíu, og munu reyna til að gera í
öllum löndum, sem Þjóðverjar
hafa undirokað. Meðan versta óöld
in ríkti í Grikklandi, sendu bresku
verklýðsfélögin nefnd manna þang
að til að kynnast af eigin sjón og
raun hvernig þessum umdeildu
málum væri liáttað. Eftir heim-
komu nefndarinnar höfðu fréttarit-
arar þetta eftir henni að segja:
Nefnd bresku verklýðsfélaganua
(TUC), sem verið hafa í Grikk-
landi að undanförnu, hefir nú birt
skýrslu um það, sem fyrir augun
bar og ýmislegt annað, sem varp-
ar skýru ljósi á það, sem gerst hef-
ir í Grikklandi. Nefndin sagði m.
a., að ástandið í Grikklandi væri
vægast sagt óskaplegt. Það væri
eins og menn héldu, að annarhver
maður væri ritari einhvers póli-
tísks flokks og nefndin fullyrðir
einnig, að óskaplegt blóðbað hefði
orðið, ef Biætar hefðu ekki tekið í
taumana gegn ELAS-mönnum.
Ummæli nefndarinnar hafa vak-
ið óhemju athygli, ekki sízt hispurs
laus ummæli hennar um framferði
ELAS-manna. Var sagt í skýrsl-
unni, að mörg hundruð lík manna,
sem ELAS-menn hefðu misþyrmt
og síðan drepið, hefðu fundist. Þá
væri mönnum unnvörpum brigsl-
að um að hafa átt samvinnu við
Þjóðverja og ríkti yfirleitt almenn
tortryggni manna á meðal.“
Þetta er það, sem kommúnistar
eru alltaf að boða að koma skuli.