Alþýðumaðurinn - 13.03.1945, Síða 1

ALÞÝÐUMABURIN
XV. árg.
Sorglegt
slys.
Sl. Laugardagsmorgun varð það
sorglega slys við Glerárrafveituna,
að Haukur Helgason, rafvirki,
verkstjóri úti við hjá Rafveitu Ak-
ureyrar, féll í Glerárfossinn og
druknaði. Var hann að vinna uppi
við stífluna, og gekk út á planka-
brú, sem liggur yfir vatnaop í stífl-
unni rétt ofan við fossinn. Brotnaði
brúin undan honum og féll hann í
fossinn. Náðist hann ekki úr ánni
fyr en niður undir sjó. Voru þegar
gjörðar á honum lífgunartilraunir,
en þær báru engan árangur.
Haukur var þrítugur. Fæddur
3. Ágúst 1914, stjúpsonur Páls
kaupm. Sigurgeirssonar. Hann var
kvæntur, en barnlaus. Hann hafði
lengi starfað hjá Rafveitunni, mest
sem verkstjóri úti við. Sérstakt
prúðmenni og vinsæll.
Þótt ekki sé gagn að því að sak-
ast um orðinn hlut, verður ekki hjá
því komist að henda á, að þetta er
annar maðurinn, sem ferst af slys-
um lijá Rafveitu Akureyrar vegna
slæms útbúnaðar. Hlýtur þetta að
vekja athygli og þá spurningu um
leið, hvort nauðsynlegt sé að
starfsmenn rafveitunnar séu í sí-
feldri hættu við störf sín. Hættu,
sem hægt ætti að vera að bægja frá
þeim, ef öryggisútbúnaður og eft-
irlit væri í fullu lagi.
Virðist ekki vera til of mikils
mælst að eftir þessu sé hugsað
framvegis.
Þriðjudaginn 13. Mars 1945
Nýtt blað.
Árni Bjarnarson útgefandi
hefir hafið útgáfu nýs hlaðs,
sem heitir Edda. Á það að
mestu leyti að fjalla um hókaút-
gáfu og flytja fréttir frá bókamark-
aðinum. Á það að segja frá rithöf-
undum, hókaútgefendum, flytja
umsagnir um hækur, sem út koma
og tilkynna hvaða hóka sé von á
hverjum tíma. Þá flytur og blaðið
sagnaþætti og auglýsingar um bæk-
ur.
Blaðið er í líku broti og Alþm.
og á að koma út einu sinni í viku.
Blaðið fer vel og myndarlega af
stað.
Vítavert framferði
Eins og vitað er, er höfnin hér
friðuð fyrir skotum og virðast bæj-
arbúar yfirleitt samtaka um að
halda sett fyrirmæli um þetta. Þó
eru undantekningar frá þessu, en
fáar, sem betur fer. í tvö skifti
hafa menn staðið fyrir rétti vegna
þess að þeir hafa gjörst friðrofar
á þessu sviði. Virðast þeir hreyta
þannig til þess eins að fótumtroða
þessi sjálfsögðu fyrirmæli, því
um engan liagnað er að ræða vegna
þessa verknaðar. Er þessum mönn-
um, vægast sagt, einkennilega far-
ið að leggja álit sitt að veði fyrir
stundarsvölun þess stráksskapar,
sem á hak við friðrofin stendur.
Er þess að vænta að yfirvöldin
sjái ekki í gegnum fingur við
hvern þann sem brotlegur gjörist
við friðunarfyrirmælin, og al-
menningur láti þá seku finna það,
að þeir verðskuldi fulla andúð
samborgarana fyrir að rjúfa sett-
an frið í höfninni.
( 11. tbl.
„Alt Heidelberg44 í ann-
að sinn á akureyrsku
leiksviði.
Veturinn 1931—2 sýndi Karla-
kórinn Geysir gleði- og söngleikinn
„Alt Heidelberg“ hér í leikhúsinu
við mikla aðsókn og ánægju bæj-
arbúa. Þá fóru þau hjónin Bjarni
Bjarnason og Regína Þórðardótt-
ir með aðalhlutverkin. Munu hæj-
arbúar minnast þeirra lengi í þeim
hlutverkum og þá um leið hins veg-
lega söngs Geysis í leiknum.
Nú er „Geysir“ aftur á ferðinui
með þenna leik, og verður hann
fyrst sýndur almenningi n.k. Fimtu
dagskvöld. Fer ungfrú Brynhildur
steingrímsdóttir nú með hlutverk
Katie og Jóhann Guðmundsson,
póstþj. með hlutverk prinsins. Árni
Jónsson er leikstjóri og fer einnig
með hlutverk Lutz kammerherra.
Um önnur hlutverk veit blaðið ekki
Þai'f ekki að efa að þessi leikur
verði sóttur, svo hugnæmur er hann
og glæsilegur. Ágóðanum af leik-
sýningunum verður varið til bvga-
ingar Geysisheimilisins.
Frá Alþýðublaðinu
Bráðskemmtileg og spennandi
saga er nýlega byrjuð að koma út í
blaðinu. Fylgist með frá byrjun.
Þeir, sem gjörast fastir áskrifend-
ur frá 1. Mars, fá blaðið með
sögunni frá byrjun. Einnig síðasta
Jólablaðið og hátíðablað frá 17.
Júní, meðan upplagið hrekkur.
Afgreiðslan er í Lundargötu 5.
Sími 110. — Ákveðið ykkur strax.
Bœjarbúi.