Dýraverndarinn - 01.11.1953, Blaðsíða 8
56
DÝRAVERNDARINN
YIÐ GEGNINGAR (Frh. af bis 52).
Og bóndinn stendur á fætur og færir til heyið,
sem eftir er í garðanum, þannig að það liggur
sem jafnast meðfram báðum garðastokkum, en
eyða myndast í miðjum garðanum. Svo hverfur
hann upp í hlöðuna og sækir þangað kjarnfóð-
ursskammtinn og stráir honum yfir heyleifarn-
ar. Og þó að kindurnar hafi þegið þakksamlega
allt það, er áður hefur verið úthlutað, er þó sem
nautn þeirra breytist í algleymisfögnuð, þegar
þessi ábætir við morgunverðinn er borinn fram.
Þær teygja sig eftir garðanum svo langt sem
þær ná, halla höfðinu á ýmsa vegu og sleikja
með mjúkri tungunni hvert korn, sem þær ná
til, nákvæmnin er mikil, og eftir örskamma stund
er allt fóðurkornið horfið og garðinn er auður
og votur eftir.
Þá yfirgefur bóndinn fjárhúsið og heldur heim
til bæjar. Hann fær sér árbít eða einhverja hress-
ingu, en ekki má hann taka sér langt frí frá störf-
um, því að ótal verkefni bíða hans. Hann leysir
þau, eftir því sem tími vinnst til. En þegar all-
mjög er liðið á daginn, hverfur hann aftur til
peningshúsa sinna og lýkur gegningarstörfum. Þau
fara fram með líkum hætti og um morguninn.
En ef veður er ekki því verra, er vísast, að bóndi
hafi nú aðstoðarmenn. Börnin á bænum slást í
fylgd með honum. Þau þurfa að sjá hestana, vini
sína og félaga, og þá þurfá þau ekki síður í heim-
sókn til fjárhússins, því að öll eiga þau einhverja
kind, sum — þau elztu vísast fleiri en eina, og þau
þurfa að finna þær og færa þeim einhverja glaðn-
ingu, deigbita, brauðmola eða eitthvað því um líkt.
Kindurnar eru þessu vanar. Þær koma hlaup-
andi, þegar þær verða eigenda sinna og vina varar,
og þiggja glaðar það hnossgæti, sem að þeim er
rétt. Barnshendurnar strjúka hlýtt um mjúkar
snoppur og loðfeldi og kindurnar lygna augunum
og una ánægðar og öruggar við atlot æskunnar.
En þegar heyið er borið fram í garðann, ryðjast
þær að honum og snúa baki við vinum sínum
og velgjörðamönnum. Börnin hafa yndi af að
horfa á borðhaldið, en þegar þau hafa notið þess
um stund, taka þau að hlaupa og hoppa
í krónum fyrir aftan féð, eða þau hverfa
upp í hlöðuna og hefja leik í hinu auða rúmi
f------------------------------------------'i
DÝRAVERNDARINN
Útgefandi: Dýraverndunarfélag Islands.
Ritstjóri: Sigurður Hclgason,
Brávallagötu 12, Reykjavík. (Sími 5732).
Afgreiðslu og innheimtu annast:
Hjörtur Hansson,
Bankastræti 11 (miðhæð), pósthólf 566, Reykjavík.
Ber að senda honum andvirði blaðsins og tilkynn-
ingar um nýja kaupendur.
Prentaður í Prentsmiðju Jóns Helgasonar.
<__________________________________________J
hennar. Máski létta þau líka undir með fjár-
manninum með þvi að gjöra smávik, s. s. að láta
vatn renna í brynningarstokkana og fleira smá-
vegis. Máski bíða þau hans, unz hann hefur lokið
störfum — eða þau þrýtur biðlund, hverfa heim
til bæjar og segja frá tíðindum.
Áður en bóndinn yfirgefur fjárhúsið, lítur hann
eftir, að allt sé í lagi. Síðan slekkur hann ljósið,
gengur út og lokar hurðinni vandlega, mokar
snjó að henni þvert yfir þröskuldinn og byrgir
jafnvel dyrnar allt í kring, ef veður er slæmt
eða útlitið ótryggilegt. Svo gengur hann heim til
bæjar, dregur loku fyrir útidyrahurðina og afklæð-
ist gegningarfötum sínum.
Minningar dagsins um yl þann og ánægju, sem
samvistirnar við húsdýr hans hafa veitt honum,
fylgja honum eftir, þegar hann kemur inn í bað-
stofuna til að njóta kvöldvökunnar með fólki
sínu. Þær gleðja hann þreyttan, vefjast eins og
vermandi unaður inn í drauma hans og vöku-
stundir — því að „milli manns og hunds og
hests hangir leyniþráður“. — Milli mannsins og
sérhvers þess máleysingja, sem lagður er í vald
hans og ábyrgð, liggja lífrænir þræðir. Og þeg-
ar þeir þræðir eru ofnir úr næmum kenndum
skilnings og innileika, má sjá fagrar myndir og
finna hlýja snertingu frá yndi lífsins.
TIL LESENDA
Þeir, sem hafa í huga að keppa um verðlaun þau, sem
stjórn Dýraverndunarfélags Islands veitir árlega úr Minn-
ingarsjóði Jóns Olafssonar bankastjóra fyrir ritgerðir um
dýraverndunarmálið, eru hér með minntir ó að senda
þær ritstj. Dýraverndarans fyrir næstu áramót,