Dýraverndarinn - 01.12.1953, Blaðsíða 8

64
DÝRAVE R N DARIN N
4) Það á aldrei að berja kött eða reyna að
hræða hann til neins. Það gerir hann fljótlega
hræddan og tortrygginn. Talið við hann og hrósið
honum, eða ávítið hann, ef svo ber undir. Kettir
eru furðulega næmir á mál manna, og það er
hægt að kenna þeim að skilja svo til hvað, sem
vera skal. En frið og næði þarf til þess og vin-
áttu ekki síður.
5) Látið köttinn fá hlýjan svefnstað — helzt
lítið eitt frá gólfi. Það er gömul hjátrú að kettir
veiði á nóttinni. Þeir veiða í rökkrinu en sofa
oftast á nóttinni. Það er ill meðferð og ómannúðleg
að reka ketti út í næturkulda og ef til vill bleytu.
6) Gætið vel að opnum skúffum og skápum.
Kettir laumast oft niður i skúffumar og inn í
skápana, lokast óvart inni og kafna þar ef til
vill eftir langvarandi þjáningar.
7) Kettlingar eru oft um tíma á eins konar
gelgjuskeiði eða óknyttaaldri. Takið ekki hart á
þeim meðan á því stendur. Þeir stillast innan
skamms og komast aftur á rétta leið, sé farið
vel og lempilega að þeim. Látið börn ekki vera
of harðhent á þeim, heldur kennið þeim að fara
varlega með kettlingana og raunar öll smádýr.
8) Ef kettir eru látnir vera með hálsband, má
aðeins loka því með lás, sem er þannig gerður,
að hann opnast, ef kötturinn festir sig á háls-
bandinu.
9) Gætið ykkar fyrir kattaþjófunum. Látið
köttinn ykkar aldrei til ókunnugra. Ef þið þurfið
að láta aflífa kött (sama er að segja um kettlinga),
látið þá dýralækni sjá um það, ef mögulegt er.
Kettir eru lífseigir og þola hryllilegar og langvinn-
ar kvalir, hvort sem þeir eru hengdir eða þeim er
drekkt. Verið mannúðleg í allri breytni við köttinn
og látið hann deyja þjáningalaust, þegar þar að
kemur.
S. H. þýddi.
-
Dýraverndarinn kemur út að minnsta kosti átta
sinnum á ári, mánuðina febrúar—maí og septem-
ber—desember.
Þeir, sem útvega fimm kaupendur að „Dýravernd-
aranum", eða fleiri, eða vilja gjörast útsölumenn
hans, fá 20% í sölulaun.
Árgangur ,,Dýraverndarans“ kostar nú 15 krónur.
— Það sem til er af eldri árgöngum, er selt mjög
lágu verði, eða kr. 8,00.
v-_______________________________________________J
r >
DÝRAVERNDARINN
Útgefandi: Dýraverndunarfélag íslands.
Ritstjóri: Sigurður Helgason,
Brávallagötu 12, Reykjavík. (Sími 5732).
Afgreiðslu og innheimtu annast:
Hjörtur Hansson,
Bankastræti 11 (miðhæð), pósthólf 566, Reykjavík.
Ber að senda honum andvirði blaðsins og tilkynn-
ingar um nýja kaupendur.
Prentaður í Prentsmiðju Jóns Helgasonar.
V_______________________________________2
SKÝLI
Meðfylgjandi mynd er tekin úr dönsku dýra-
verndunarblaði. Hún sýnir einfalda skúrbyggingu
framþilslausa, sem við getum kallað skýli (læskur
á dönsku). Skýli þessi eru til þess gerð í Dan-
mörku að veita búfénaði, einkum stórgripum, sem
eru látnir liggja úti, hverju sem viðrar, skjól og
afdrep í misjöfnum veðrum. Mæla dönsk dýra-
verndunarfélög eindregið með notkun þeirra, sem
vænta má. Sama er að segja um norsk dýravernd-
unarfélög. Uppi til selja þar í landi eru sums stað-
ar ekki til hús fyrir allan búpeninginn. Þar sem
svo er ástatt, eru bændurnir hvattir til að koma
sér upp skýlum þessum. Þau eru talin fullnægj-
andi til þessara nota bæði í Danmörku og Noregi
og mikill kostur, hve þau eru einföld að gerð
og ódýr.
Sennilega geta þessi skýli líka komið í góðar
þarfir víða hér á landi. Þess vegna er vakin eftir-
tekt á þeim hér í blaðinu.