Dýraverndarinn - 01.03.1959, Blaðsíða 16
V erðlaunasamkeppnin
VERÐLAUNIN úr Minningarsjóði Jóns heitins
ólafssonar alþingismanns og bankastjóra hafa á
síðari árum verið veitt fyrir frásagnir af dýrum,
en ekki fyrir ritgerðir um dýravernd, þó að sú
muni hafa verið tilætlun stofnenda sjóðsins. En
engar slíkar ritgerðir hafa borizt undanfarin ár.
Nú hafa fyrstu verðlaunin, 350 krónur, verið
veitt fyrir ritgerð, sem bendir á misferli um með-
ferð dýra og mannsæmandi úrbætur. Ritgerðin
heitir Betur má, ef duga skal, og er höfundur
hennar Valtýr Guðmundsson á Sandi í Aðaldal.
Guðmundur Friðjónsson skáld á Sandi var mikill
dýravinur, og hafa synir hans tekið það að erfð-
um. I þessu tölublaði Dýraverndarans er skelegg
grein eftir annan son hans, Bjartmar.
önnur verðlaun, 250 krónur, hlaut Auðbjörg
Albertsdóttir, húsfreyja á Hafursstöðum í Austur-
Húnavatnssýslu, fyrir frásögn, sem hún nefnir
Úr dagbók smalastúlkunnar.
Ritstjóri Dýraverndarans og stjórn Sambands
dýraverndunarfélaga Islands þakka þátttöku í
keppninni og vænta samvinnu við þá framvegis.
Þegar marsvínavaðan hafði verið rekin í Vestmannaeyja-
höfn, bar svo við, að ein hvalkýrin kelfdi í blóðimengaðri
höfninni. Hún og kálfurinn hennar sluppu lífs, þegar vað-
an var rekin út. Þarna er hún með afkvæmi sitt, sem
sannarlega fékk snemma að kynnast vonzku veraldarinnar.
Myndina tók Friðrik Jesson kennari í Vestmannaeyjum.
Margt er nú skrýtið!
Lesendur yngri en fjórtán ára athugi þessa mynd sérlega
vel og sendi ritstjóra Dýraverndarans, pósthólf 1342,
Reykjavík, hvað þeim finnst óeðlilegt við dýrin. Lesendur
eiga að finna níu atriði. Dýrið 3. að neðan til hægri á
myndinni er tígrisdýr. Þau börn, sem finna flest atriði, fá
verðlaun: Fyrstu verðlaun verða Ævintýri dagsins, þulur
og barnaljóð eftir Erlu, önnur Dýrasögur eftir Þorgils
gjallanda. Ef margir senda réttar niu lausnir, verður dregið
um verðlaunin.
DÝRAVERNDARINN
Útgefandi: Samband dýraverndunarfélaga íslands. Ritstj.:
Guðmundur Gíslason Hagalín, Silfurtúni, Garðahreppi
(Sími 50166. Pósthólf 1342). Afgreiðslu annast Þorgils
Guðmundsson, Hraunteigi 21 (Sími 34344. Pósthólf 993).
Þorgils er að hitta á Fræðslumálaskrifstofunni alla virka
daga frá kl. 9 til 5. Verð blaðsins er óbreytt, þrátt fyrir
stækkunina, kr. 30.00. Gjalddagi er 1. júlí. Vinnið að út-
breiðslu Dýraverndarans. — Prentsmiðja Jóns Helgasonar.
16
DÝRAVERHDARINN